Azaad Nazam: Peer Ki Shab Aankhon Mein Kati

Peer Ki Shab Aankhon Mein Kati.
Mangal Aya, Tum Nahin Aye
Budh Ko Mein Saj Ban Kar Bhaiti.
Aankhein Bhi Dehleez Par Rakhein.
Lamha Lamha Gin Gin Kata
Gounj Utha Dil Ka Sannata
Jumerat Ki Raat Ko Sajna..!
Mein Ne Suna Tumne Ana Hai
Dil Ne Kaha, Yeh Afsana Hai
Daikh Liya..? Phir Tum Nahi Aaye.
Phail Gaye Yaadon Ke Saaye
Juma Aaya,
Apne Ander Ki Ladki Ko
Ahista Ahista Jagaya
Khushbo, Ghaza, Mehndi, Kajal,Kangan, Bindiya, Jhumke, Payal
Jo Khuch Mere Pass Tha Jaanam..!
Khoob Rachaya, Khoob Sajaya.
Dhal Gaya Laikin Din Ka Saya
Hafta Aaya…,
Khuch Bhi Na Paya, Aankhein Hi Kya
Dil Pathraya
Aur Itwar Ko
Ek Dastak Ne
Mere Andar Ke
Sare Arman Jagaye
Dil Mein Jo Murjhaye Huye The
Phool Khilaye
Door Ke Darwaze Tak Pahonchi
Kaan Lagaye
Koi Na Bola, Koi Na Bola
Mein Pahonchi, Darwaza Khola
Koi Nahi Tha
Jagti Aankhon Ka Sapna Tha
Wo Sapna BHi Toot Gaya
Dil Apna Bhi Toot Gaya
Dil Toota To Yaad Aya, Haan
Tumne Kiya Tha Wada Mujhse
Aathwein Din Ka
Athwaan Din Kab Aya Janam…!
Tum Naam Batao Athwein Din Ka,
Ya Phir Meri Baat Suno..!
Ashkon Ki Barsaat Suno..!
Aao Suno Ke Meine Janam…!
Bannana, Sawarna Chor Dia Hai
Tumse Pyar Hai Ab Bhi Laikin
Tumse Mohabbat Ka Dam Bharna
Chor Dia Hai
Jeena Seekh Liya Hai Meine
Rooz Ka Marna Choor Dia Hai..!

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *