Urdu Poetry: Baarish huee to phoolo’n ke tan chaak ho gaye

Baarish huee to phoolo’n ke tan chaak ho gaye
mausam ke haath bheeg ke saffaaq ho gaye

baadal ko kya khabar ki baarish ki chaah mein
kitne buland-o-baala shajar khaak ho gaye

jugnu ko din ke waqt pakadne ki zidd karein
bachche hamaare ahad ke chaalaak ho gaye

lehra rahi hai barf ki chaadar hata ke ghaas
sooraj ki shah pe tinke bhi bebaak ho gaye

sooraj dimaag log bhi iblaag-e-fiqr mein
zulf-e-shab-e-firaaq ke pechaak ho gaye

jab bhi gareeb-e-shehar se kuch guftagu huee
lehje hawa-e-shaam ke namnaak ho gaye

saahil pe jitne aabguzeeda thhey sab ke sab
dariya ke rukh badalte hi tairaak ho gaye.

Poet: PARVEEN SHAKIR

Sent By: Imran From Orkut

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *