Farigh ho beth fiker se dono’on jahaan ki
Khatra jo hai so aaina-e-dil pe zang hai

Hairat zadah nahi hai faqat tu hi aaina
Ya’an tuk bhi jis ki aankh kholi hai so dang hai

Is hasti-e-kharab se kya kaam tha hamein
Aey nasha-e-zahoor ye teri tarang hai

Ahl-e-fana ko naam se hasti ke nang hai

Zindagi hai ya koi tofaan hai
Ham to is jeeney ke hathoon mar chaley

Kya hamein kaam un gulo’on se aey saba
Aik dam aye idher, o odher chaley

Dosto dekha tamasha yaan ka bass
Tum raho, ab, ham to apne gher chaley

Tohmat-e-chandd apne zimma dher chaley

Wahdat mein teri, harf doii ka na aa sakey
Aaina kya majaal tujhe monh dekha sakey

Main wo fatadah hoon ke baghair az fana mujhe
Naqsh-e-qadam ki tarah na koi utha sakey

Qasid! nahi ye kaam tere apni rah ly
Os ka pyaam dil ke siwa kon laa sakey

Arzo sama kahan teri wos'at ko pa sake

Ham gulshan-e-daura’an mein aey khaftagi-e-tale’ey
Ser sabz to hain, lakin joon sabza-e-khawabeedah

Aey shor-e-qayamat, reh odher hi main kehta hoon
Choonkey na abhi ya’an se koi dil-e-shoreedah

Her tarah zamane ke hathoon se sitam deedah

Nahi mumkin ke ham se zulmat-e-imkaan za’il ho
Chorawey aah koi kion ke zangi se siyahi ko

Ajab alam hai idher se hamein hasti satati hai
Odher se neesti aati hai daori azar khawahi ko

Samajhna fehm ger kuch hai tabii se elahi ko

Mit jayin aik aan mein kasrat nomaiya’an
Ham ainey ke samne jab aa ke hoo karein

Ter damni pe sheikh hamari na jaeyoo
Daman nichoor dein to farishtey wazoo karein

Ser ta qadam zubaan hain joon shamma go ke ham
Per ye kaha’an majaal ke kuch guftagoo karein

Ham tujh se kis hawass ki falak justojoo karein

Kheenchey hai daur ap ko meri farootni
aftada hoon peh saya-e-qadd-e-kasheeda hoon

Her shaam misl-e-shaam hoon main teera rozgar
Her subh misl-e-subh gareba’an dareeda hoon

Misgaan-e-ter hoon ya rag-e-taak-e-bareeda hoon

Mera ghuncha-e-dil hai wo dil garifta
Ke jis ko kiso ne kabho waa na dekha

Yagana hai tu aah! bega’ngi mein
Koi dosra aur aisaa na dekha

Azi’yat, mosibat, malamat, balayin
Tere ishq mein ham ne kya kya na dekha

Tujhi ko jo yaan jalwa farma na dekha

Tujh se kuch dekha na ham ne, juz jafa
Parda kiya kuch hai ke jee ko bhaa gya

Khul nahi sakti hain ab ankhein meri
Jee mein ye kis ka tasawar aa gya

Main ne to zahir na ki thi dil ki baat
Per meri nazroon ke dhab se paa gya

Seena-o-dil hasratoon se chaa gya

Raat majlis mein tere husan ke sholey ke hazroo
Shamma ke monh pe jo dekha to kahin noor na tha

Ziker mera hi wo karta tha sarihan, lakin
Main jo pohncha to kaha, khair ye mazkoor na tha

Bawjood ye ke par-o-baal na thy aadam ke
Wahan pohncha ke farishtey ka bhi maqdoor na tha

Qatal-e-aashiq kisi mashooq se kuch door na tha