E-Entertainment

This category contains all English and Urdu poetry.

Naseem hai tere kooche mein aur saba bhi hai Hamari khaak se dekho to kuch raha bhi hai Tera gharoor mera ejjz ta kaja zaalim Her ik baat ki akhir kuch inteha bhi hai Jale hai shamma se parwana aur main tujh se Kahin hai mehr bhi jagg mein kahin wafa bh hai

Sawan ke badloon ki tarah se bharey howe Ye wo hain nain jin se ke jungle harey howe Aey dil ye kis se bigri ke aati hai foj-e-ashk Lakht-e-jiger ki na’ash ko aage dharey howe Insaaf apna sonpye kis ko ba juz khuda Munsif jo bolte hain to tujh se darey howe

Jo’on ghuncha tu chaman mein band-e-qaba ko khole Phir gul se aey pyare bulbul kabho na boole Awey ga wo chaman ko tarke hi mai kashi ko Shabnam se keh de bulbul pyale guloon ke dhoole Bagh-e-jahan mein ker kuch ham ne phall na paya Ik dil mila ke jis mein hain sankro’on phaphole

Gul phenke hai auro’on ki taraf balke samar bhi Aey khana ber andaz-s-chaman kuch to idher bhi Kya zid hai mere sath khuda jane, warna Kafi hai tasalli ko mere aik nazar bhi Aey aber, qasam hai tujhe rone ki hamare Tujh chashm se tapka hai kabho lakht-e-jiger bhi

Ghair ke paas ye apna hi guma’an hai ke nahi Jalwa gher yaar mera warna kaha’an hai ke nahi Mehr her zarrah mein mujhe ko hi nazar ata hai Tum bhi tuk dekho to sahib-e-nazra’an hai ke nahi Paas-e-namoos mujhe ishq ka hai aey bulbul Warna ya’an kon sa andaz-e-fugha’an hai ke nahi

Batein kidher gyein wo teri bholi bholiya’an Dil le ke bolta hai jo ab tu ye boliya’an Her baat lateefa her ik sukhan hai ramz Her aan hai kinaya-o-her dam thatholiya’an Hairat ne us ko band na karne dein phir kabho Ankhein jo aarsi ne teri mukh pe kholiya’an

Gada dast-e-ahl-e-karam dekhte hain Ham apna hi dam aur qadam dekhte hain Na dekha jo kuch jaam mein jamm ne apne So yak qatra-e-mai mein ham dekhte hain Ye ranjish mein ham ko hai be ikhtiyari Tujhe teri kha ker kasam dekhte hain Gharaz kufr se kuch, na de’en se hai matlab Tamasha-e-dair-o-haram dekhte hain

Na ghunchey gul ke khilte hain na nerkis ki khilein kalya’an Chaman mein le ke khamyazah kisi ne ankhriya’an malya’an Kisi mehtaab ne dekha hai tujh khursheed taba’an ko Phirey hai dhondta her shab jahan abad ki galya’an Tabassam yoon numaya’an hai massi alodah danda’an se Na aber-e-siyah mein is tarah bijli ki achehl’palya’an

Dil mat tapak nazar se ke paya na jaye ga Jo’on ashk phir zame’en se uthaya na jaye ga Rukhsat hai baghba’an ke tuk ik dekh lein chaman Jatey hain wa’an jahan se phir aya na jaye ga Tegh-e-jafa-e-yaar se dil monh na pherio Phir monh wafa ko ham se dekhaya na jaye ga

Maqdoor nahi us ki tajalli ke baya’an ka Jo’on shamma sarapa howa ger serf-e-zuba’an ka Pardey ko ta’ayon ke dar-e-dil se  uthawey Khulta hai abhi pal mein talismaat jaha’an ka Tuk dekh sanam khana-e-ishq aan ke aey sheikh Jo’on shamma-e-haram rang jhamakta hai buta’an ka Is gulshan-e-hasti mein ajab deed hai lakin Jab chashm kholi [...]