E-Entertainment » achi ghazal

Urdu Poetry: Lab-E-Khamosh Se Afshaa Hoga

NaQonianz — Thu, 05 Nov 2009 13:32:39 +0000

Lab-E-Khamosh Se Afshaa Hoga.
Raaz Har Rang Mein Ruswa Hoga.

Dil Ke Sahera Mein Chali Sard Hawa.
Abr Gulzaar Pe Barsa Hoga.

Tum Nahin The To Sar-E-Baam-E-Khayaal.
Yaad Ka Koi Sitara Hoga.

Kis Tawaqqo Pe Kisi Ko Dekhein.
Koi Tum Se Bhi HaseeN Kya Hoga.

Zeenat-E-Halqa-E-Aaghosh Bano.
Door Baithoge To Charagha Hoga.

Zulmat-E-Shab Mein Bhi Sharmate Ho.
Dard Chamkega To Fir Kya Hoga.

Jis Bhi Fankar Ka Shahkar Ho Tum.
Us Ne Sadiyon Tumhein Socha Hoga.

Umr Bhar Roye Faqat Is Dhun Mein.
Raat Beeti To Ujaala Hoga.

Saari Duniya Humein Pahechanti Hai.
Koi Hum Sa Bhi Na Tanha Hoga…..

NaQonianz — Sun, 25 Oct 2009 10:14:00 +0000

Taskeen-e-dil-e-mehzu’n na huee, wo saee-e-karam farma bhi gaye
iss saee-e-karam ko kya kahiye, behla bhi gaye, tadpa bhi gaye

hum arz-e-wafa bhi kar na sake, kuch keh na sake, kuch sun na sake
yaa’n hamne zabaa’n hi kholi thi, waa’n aankh jhuki, sharma bhi gaye

aashuftagi-e-vehshat ki kasam, hairat ki kasam, hasrat ki kasam
ab aap kahein kuch ya na kahein, hum raaz-e-tabassum pa bhi gaye

rudaad-e-gham-e-ulfat unse hum kya karte, kyonkar kehte
ek harf na nikla hontho’n se, aur aankh mein aansu aa bhi gaye

arbaab-e-junoo’n par furqat mein ab kya kahiye kya-kya guzri
aaye thhey savaad-e-ulfat mein, kuch kho bhi gaye, kuch paa bhi gaye

ye rang-e-bahaar-eaalam hai, kyun fiqr hai tujhko ae saaqi !
mehfil to teri sooni na huee, kuch uth bhi gaye, kuch aa bhi gaye

iss mehfil-e-kaif-o-masti mein, uss anjuman-e-irfaani mein
sab jaam-ba-kaf baithe hi rahe, hum pee bhi gaye, chalka bhi gaye.

Poet: MAJAAZ LAKHNAVI

NaQonianz — Sat, 08 Aug 2009 11:16:24 +0000

Har ek harf-e-aarzu ko daastaa’n kiye hue
zamaana ho gaya hai unn ko mehmaa’n kiye hue

suroor-e-aish talkhi-e-hayaat ne bhula diya
dil-e-hazee’n hai bekasi ko hijr-e-jaa’n kiye hue

kali-kali ko gulistaa’n kiye hue wo aayenge
wo aayenge kali-kali ko gulistaa’n kiye hue

sukoon-e-dil ki raahato’n ko unn se maang loon
sukoon-e-dil ki raahato’n ko bekaraa’n kiye hue

wo aayenge to aayenge junoon-e-shauq ubhaarne
wo jaayenge to jaayenge tabaahiyaa’n kiye hue

main unn ki bhi nigaah se chhupa ke unn ko dekh loon
ki unn se bhi hai aaj rashq badgumaa’n kiye hue

Sent By: Ahad-e-Wafa From Orkut