Ghul Mil K Geo

You are browsing the archives of faiz ahmad faiz.

shaiKh saahab se rasm-o-raah na kii
shukr hai zindagii tabaah na kii
tujh ko dekhaa to ser-e-chashm hue
tujh ko chaahaa to aur chaah na kii
tere dast-e-sitam kaa ajz nahii.n
dil hii kaafir thaa jis ne aah na kii
the shab-e-hijr kaam aur bahut
ham ne fikr-e-dil-e-tabaah na kii
kaun qaatil bachaa hai shahar me.n ‘Faiz’
jis se yaaro.n ne rasm-o-raah na kii
Poet: [...]

Main Khayaal hoon kisi aur ka, mujhe sochta koi aur hai,
Sar-e aaiinaa mera aks hai, pas-e aaiinaa koi aur hai.
Main kisi ki dast-e talab main hoon, to kisii ki harf-e duaa main hoon,
Main naseeb hoon kisi aur kaa, mujhe maangtaa koii aur hai.

Dasht-e-tanhai mein aye jaan-e-jahan larzaan hain
teri awaaz ke saaye tere honthon ke saraab
dasht-e-tanhai mein doori ke khas-o-khaak tale
khil rahe hain tere pahalu ke saman aur gulaab
Uth rahi hai kahin qurbat se teri saans ki aanch
apni khushboo mein sulagti hui maddham maddham
door ufaq par chamakati hui qatra qatra
gir rahi hai teri dildaar nazar ki shabnam