tujh ko dekhaa to ser-e-chashm hue
tujh ko chaahaa to aur chaah na kii

tere dast-e-sitam kaa ajz nahii.n
dil hii kaafir thaa jis ne aah na kii

the shab-e-hijr kaam aur bahut
ham ne fikr-e-dil-e-tabaah na kii

kaun qaatil bachaa hai shahar me.n ‘Faiz’
jis se yaaro.n ne rasm-o-raah na kii

Poet: Faiz Ahmad Faiz

Main kisi ki dast-e talab main hoon, to kisii ki harf-e duaa main hoon,
Main naseeb hoon kisi aur kaa, mujhe maangtaa koii aur hai.

Kabhi lot aayen to na poochhnaa, sirf dekhnaa bade Gor se,
Jinhain raaste main Khabar huee k ye raastaa koii aur hai.

Ajab aitabaar be-aitabaarii k daramiyaan hai zindagii,
Main kareeb hoon kisii aur k, mujhe jaantaa koii aur hai.

Wohi munsifon ki rivaayaten, wohi faisalon ki ibaaraten,
Mera jurm to koi aur thaa, per meri sazaa koi aur hai.

Terii roshani merii Khadd-o-Khaal se mukhtalif to nahin magar,
Tu qareeb aa tujhe dekh loon, tu wohi hai yaa koi aur hai.

Jo meri riyaasat-e neem shab ko Saleem subah na mil saki,
To phir is ki maani to ye huye k yahan khuda koi aur hai..

Sent By: Junaid Shabir

Uth rahi hai kahin qurbat se teri saans ki aanch
apni khushboo mein sulagti hui maddham maddham
door ufaq par chamakati hui qatra qatra
gir rahi hai teri dildaar nazar ki shabnam

Us qadar pyaar se aye jaan-e-jahan rakha hai
dil ke rukhsaar pe is waqt teri yaad ne haath
yun guman hota hai garche hai abhi subah-e-firaaq
dhal gaya hijr ka din aa bhi gayi vasl ki raat.

Dash-e tanhai main……..

[Faiz Ahmad Faiz]

Sent By: Junaid Shabir from Orkut