E-Entertainment » ghazal

Urdu Poetry: Aqaayad Vaham Hai Mazahab Khayaal-e-Khaam Hai Saaqii

NaQonianz — Mon, 10 Aug 2009 13:34:30 +0000

aqaayad vaham hai mazahab Khayaal-e-Khaam hai saaqii
azal se zahan-e-i.nsaa.N bast-e-auhaam hai saaqii

haqiiqat-aashanaa_ii asl me.n gum-kardah-raahii hai
uruus-e-aagahii paravardah-e-abahaam hai saaqii

mubaarak ho za_iifii ko Khirad kii falsafaadaanii
javaanii beniyaaz-e-ibrat-e-a.njaam hai saaqii

abhii tak raaste ke pech-o-Kham se dil dha.Dakataa hai
meraa zauq-e-talab shaayad abhii tak Khaam hai saaqii

vahaa.N bhejaa gayaa huu.N chaak karane pard-e-shab ko
jahaa.N har subah ke daaman pe aks-e-shaam hai saaqi

Urdu Poetry: Husn Jab Mehr’baan Ho To Kya Keejiye

NaQonianz — Mon, 10 Aug 2009 13:23:28 +0000

husn jab mehrâ€™baaN ho to kyaa keejiye
ishq kii maGfirat kii duâ€™aa keejiye

is saliiqe se unse gilaa keejiye
jab gilaa keejiye haNs diyaa keejiye

duusroN par agar tabsiraa keejiye
saamne aaiinaa rakh liyaa keejiye

ap sukh se haiN tark-e-talluq ke baad
itnii jaldii na ye faislaa keejiye

koâ€™ii dhokhaa na khaa jaaye merii tarah
aise khul ke na sabse milaa keejiye

Urdu Poetry: Shaam ko subah-e-chaman yaad aaee

NaQonianz — Tue, 04 Aug 2009 10:20:11 +0000

Shaam ko subah-e-chaman yaad aaee
kiski khushbu-e-badan yaad aaee

jab khayaalo’n mein koi modd aaya
tere gesu ki shikan yaad aaee

yaad aaye tere paikar ke khutoot
apni kotaahi-e-fan yaad aaee

chaand jab door ufaq par dooba
tere lehje ki thakan yaad aaee

din shuaao’n se ulajhte guzra
raat aaee to kiran yaad aaee.

Poet: AHMED NADEEM QASMI

Sent By: Imran From Orkut

Urdu Poetry: Baarish huee to phoolo’n ke tan chaak ho gaye

NaQonianz — Tue, 04 Aug 2009 09:22:22 +0000

Baarish huee to phoolo’n ke tan chaak ho gaye
mausam ke haath bheeg ke saffaaq ho gaye

baadal ko kya khabar ki baarish ki chaah mein
kitne buland-o-baala shajar khaak ho gaye

jugnu ko din ke waqt pakadne ki zidd karein
bachche hamaare ahad ke chaalaak ho gaye

lehra rahi hai barf ki chaadar hata ke ghaas
sooraj ki shah pe tinke bhi bebaak ho gaye

sooraj dimaag log bhi iblaag-e-fiqr mein
zulf-e-shab-e-firaaq ke pechaak ho gaye

jab bhi gareeb-e-shehar se kuch guftagu huee
lehje hawa-e-shaam ke namnaak ho gaye

saahil pe jitne aabguzeeda thhey sab ke sab
dariya ke rukh badalte hi tairaak ho gaye.

Poet: PARVEEN SHAKIR

Sent By: Imran From Orkut

Urdu Poetry: Apne her her lafz kaa Khud aaieena ho jaaonga

NaQonianz — Tue, 14 Jul 2009 06:23:15 +0000

Apne her her lafz kaa Khud aaieena ho jaaonga,
Us ko chhotaa keh k main kese bara ho jaaonga?

Tum giraane main lage the tum ne sochaa hi nahin,
Main giraa to masala ban kar khara ho jaaongaa.
Mujh ko chalne do akelaa hai abhi meraa safar,
Raastaa rokaa gayaa to qaafilaa ho jaaongaa.

Saarii duniyaa ki nazar main hai meraa ahad-e wafa,
Ik tere kehne se kyaa main bewafaa ho jaaongaa?!

Poet: Waseem Barelvi

Sent By: Junaid Shabir from Orkut

Urdu Poetry: Khulegi iss nazar pe chashm-e-tar aahista-aahista

NaQonianz — Wed, 08 Jul 2009 10:04:24 +0000

Khulegi iss nazar pe chashm-e-tar aahista-aahista
kiya jaata hai paani mein safar aahista-aahista

koi zanjeer phir waapas wahee’n par le ke aati hai
kathin ho raah to chhoot’ta hai ghar aahista-aahista
badal dena hai rasta ya kahee’n par baith jaana hai
ki thakta jaa raha hai humsafar aahista-aahista

khalish ke saath iss dil se na meri jaan nikal jaaye
khinche teer-e-shanaasaai magar aahista-aahista

hua hai sarkashi mein phool ka apna ziyaa’n dekha
so jhukta jaa raha hai ab ye sar aahista-aahista

meri shola mijaazi ko wo jangal kaise raas aaye
hawa bhi saans letii ho jidhar aahista-aahista.

[PARVEEN SHAKIR]

Sent By: Imran from Orkut Community

Urdu Poetry: Apni muhabbat k afsaane kab tak raaz banaaoge

NaQonianz — Wed, 08 Jul 2009 09:52:47 +0000

Apni muhabbat k afsaane kab tak raaz banaaoge!
Ruswaayi se darne waalo baat tumhi phelaaoge.

Us ka kya hai tum na sahee to aur buhat,
Tark-e Muhabbat kerne waalon tum tanha reh jaaoge.
Hijr k maaron ki khush-fehmi, jaag rahe hain pehron se,
Jese shab yun kat jaayegi, jab Tum aajaaoge.

Chhoro ahd-e wafa ki baatain, kyun jhoote iqraar karain?
Kal main bhi sharminda hoonga, Kal tum bhi pashtaaoge.

Rehne do ye pind-o naseehat hum bhi Faraz’ se waqif hain,
Jis ne khud so zakham sahe hoon us ko kya samjhaaoge.

Poet: Ahmad Faraz

Sent By: Junaid Shabir from Orkut Community

Urdu Poetry: Suna hai by Parveen Shakir

NaQonianz — Mon, 06 Jul 2009 08:13:03 +0000

Suna hai

Suna hai janglon ka bhi koi dastoor hota hai

Suna hai sher ka jab pait bhar jaaye

To wo hamla nahin kerta,

Suna hai jab kisi nadi k paani main
Bue k ghonsle ka gandami saaya larazta hai

To nadi ki ro pehli machhilyaan us ko

Parosi maan leti hain,

Hava k taiz jhonke jab darakhton ko hilaate hain

To Meena apne ghar ko bhool ker

Kaâ€™uve k andon ko paron main thaam leti hai

Suna hai Ghonsle se jab koi bacha gire to

Saara jangle jaag jaata hai.

Naddi main baar aa jaaye

Koi Pull toot jaaye

To kisi lakri k takhte per

Gulahri, Saanp, Cheeta aur Bakri

Saath hote hain.

Suna hai janglon ka bhi koi dastoor hota hai,

Khuda-wanda Jaleel-o Muâ€™atbar, Daana-o Beena Munsif-o Akber,

HUMARE SHAHAR MAIN AB,

JANGLON KA HI KOI DASTOOR NAAFIZ KER..!!

Poet: Parveen Shakir

Sent By: Junaid Shabir from Orkut Community Meer Taqi Meer

Urdu Poetry: Asar usko zara nahi’n hota

NaQonianz — Mon, 06 Jul 2009 08:08:56 +0000

Asar usko zara nahi’n hota
ranj raahat faza nahi’n hota

tum hamaare kisi tarah na hue
varna duniya mei kya nahi’n hota
naarsaai se dam ruke to ruke
main kisi se kafa nahi’n hota

tum mere paas hote ho goya
jab koi doosra nahi’n hota

haal-e-dil yaar ko likhoo’n kyun kar
haath dil se judaa nahi’n hota

kyun sunein arz-e-mujtarib ‘Momin’
sanam aakhir KHUDA nahi’n hota.

[MOMIN KHAN 'MOMIN']

Sent By: Ah@d-e-Aawargi from Orkut Community

Urdu Poetry: Hum Ghazal mein tera charcha nahi’n hone dete

NaQonianz — Mon, 06 Jul 2009 08:06:06 +0000

Hum Ghazal mein tera charcha nahi’n hone dete
teri yaado’n ko bhi rusva nahi’n hone dete

kuch to hum khud bhi nahi’n chaahte shohrat apni
aur kuch log bhi aisa nahi’n hone dete
azmatein apne charaago’n ki bachaane ke liye
hum kisi ghar mein ujaala nahi’n hone dete

mujhko thakne nahi’n deta ye zaroorat ka pahaad
mere bachche mujhe boodha nahi’n hone dete.

[MERAJ FAIZABADI]

Sent By: Ahad-e-Aawargi from Orkut Community