E-Entertainment » mohsin naqvi

Urdu Poetry: Udaasiyon ka ye mousam badal bhi sakta tha By Mohsin Naqvi

NaQonianz — Sat, 12 Dec 2009 09:55:28 +0000

Udaasiyon ka ye mousam badal bhi sakta tha,
Wo chahta to mere saath chal bhi sakta tha.

Wo Shakhs tu ne jisay chhorne maiin jaldi ki,
Tere mizaaj k saanche main dhal bhi sakta tha.

Wo jald-baaz khafa ho k chal diyaa warna,
Tanaaziaat ka koi hall nikal bhi sakta tha.

Anna ne haath uthaane nahin diyaa warna,
Meri duaa se wo pathar pighal bhi sakta tha.

Tamaam umar tera muntazir raha Mohsin’
Ye aur baat k wo rastaa badal bhi sakta tha.

Peot: Mohsin Naqvi

Urdu Poetry: Intezar-e saba raha barson By Mohsin Naqvi

NaQonianz — Sat, 15 Aug 2009 10:07:54 +0000

Intezar-e saba raha barson,
Ik dareecha khula raha barson.

Aik din unka pyar barsa tha,
Aur main bheegta raha barson.

Un ki aankhon k jaam yaad rahe,
Bin piye bhi nasha raha barson.

Tab kahin ja k ik ghazal likhi,
Main usay sochta raha barson.

Faasle kam na ho sake Mohsin’
Aamna saamna raha barson..

Poet: Mohsin Naqvi

Urdu Poetry: Rett par likh ke mera naam mitaaya na karo

NaQonianz — Fri, 17 Jul 2009 10:24:55 +0000

Rett par likh ke mera naam mitaaya na karo
aankhen sach bolti hain pyaar chupaaya na karo

log har baat ka afsaana bana lete hain
sab ko haalaat ki rudaad sunaaya na karo

ye zaroori nahi’n har shakhs maseeha hi ho
pyaar ke zakhm amaanat hain dikhaaya na karo

shehar-e-ehsaas mein pathraav bahot hain ‘Mohsin’
dil ko sheeshe ke jharonkho’n mein sajaaya na karo.

Poet: Mohsin Naqvi

Sent By: Imran

Urdu Poetry: Safar tanha nahin kerte

NaQonianz — Thu, 16 Jul 2009 13:04:14 +0000

Suno!!!

Safar tanha nahin kerte,
Suno aisa nahin kerte.

Jisay shafaaf rakhna ho,
Usay mella nahin kerte.

Teri aankhain ijaazat dain,
To hum kya kya nahin kerte?

Buht ujray hue ghar per,
Buht socha nahin kerte.

SAFAR jis ka MUQADAR ho,
Usay roka nahin kerte.

Jo mil ker khud se kho jaaye,
Usay ruswaa nahin kerte.

Chalo tum raaz ho apna,
Tumhain afshaanâ€™ nahin kerte.

Ye oonche pair kese hain,
Kahin saaya nahin kerte.

Jo dhhun ho ker guzarne ki,
To phir socha nahin kerte.

Kabhi hansne se darte hain,
Kabhi roya nahin karte.

Teri aankhon ko parhite hain,
Tujhe dekha nahin kerte.

Sehar se pooch lo Mohsinâ€™
K hum soya nahin kerte.

Poet: Mohsin Naqvi

Sent By: Junaid Shabir

Urdu Poetry: Zikr-e shab-e firaaq se wehshat usay bhi thee

NaQonianz — Wed, 08 Jul 2009 09:37:54 +0000

Zikr-e shab-e firaaq se wehshat usay bhi thee,
Meri tarah kisi se muhabbat usay bhi thee.

Mujh ko bhi shoq tha naye chehron ki deed ka,
Rasta badal k chalne ki aadal usay bhi thee.
Us raat dair tak wo raha mahav-e guftagoo,
Masroof main bhi kam tha faraagat usay bhi thee.

Mujh se bichhar k shahar main ghul mil gaya wo shakhs,
Haalaanke shahar bhar se adaawat usay bhi thee.

Wo mujh se barh k zabt ka aadi tha jee gaya,
Warna her aik saans qayamat usay bhi thee.

Sunta tha wo bhi sab se puraani kahaaniyaan’
Shayad rifaaqaton ki zaroorat usay bhi thee.

Tanha husa safar main to mujh pe khula ye bhaid,
Saaye se pyar, dhoop se nafrat usay bhi thee.

Mohsin’ main us se keh na saka yun bhi haal-e dil,
Dar-pesh aik taaza museebat usay bhi thee..

[Mohsin Naqvi]

Sent By: Junaid Shabir from Orkut Community