E-Entertainment » pure urdu poetry

Urdu Poetry: Ae jazbaa-e dil gar main chaahon her cheez muqaabil aajaaye sung by Ustad Amanat Ali Khan

NaQonianz — Wed, 19 May 2010 07:57:08 +0000

Ae jazbaa-e dil gar main chaahon her cheez muqaabil aajaaye,
Manzil k liye do gaam chaloon aur saamne manzil aajaaye.

Ae dil ki khalish chal yun hi sahee, chalta to hoon un ki mehfil main,
Us waqt mujhe chonka dena jab rang pe mehfil aajaaye.

Ae rehbar-e kaamil chalne ko tayyaar to honn per yaad rahe,
Us waqt mujhe bhatka dena jab saamne manzil aajaaye.

Haan yaad mujhe tum ker lena aawaaz mujhe tum de lena,
Is raah-e muhabbat main koi dar-paish jo mushkil aajaaye.

Ab kyun dhoondon wo chashm-e karam hone de sitam balaa-e sitam,
Main chaahta hoon ae jazbaa-e gham mushkil pas-e mushkil aajaaye.

Is jazb-e dil k baare main ik mashwara tum se leta hoon,
Us waqt mujhe kya laazim hai jab tujh pe meraa dil aajaaye?

Ae barq-e tajalli kyaa tu ne mujh ko bhi Moosa samjhaa hai?
Main toor nahin jo jal jaaon jo chaahe muqaabil aajaaye.

Urdu Poetry: Darr-e qafas say paray jab hawa guzarti hai

NaQonianz — Sat, 08 Aug 2009 11:30:44 +0000

Darr-e qafas say paray jab hawa guzarti hai
Kisay khabar k aseeron pe kya guzarti hai

Taluqaat kabhi is qadar na toote thay
K teri yaad bhi dil se khafa guzarti hai

Wo ab mile bhi to milta hai is tarah jese
Bujhe charaag ko chhoo ker hawa guzarti hai

Faqeer kab k gaye jungalon ki simat magar
Galli se aaj bhi un ki sada guzarti hai

Ye ahl-e hijir ki basti hai ehtiyaat se chal
Museebaton ki yahan intaha guzarti hai

Sent By: Junaid Shabir

Urdu Poetry: Har ek harf-e-aarzu ko daastaa’n kiye hue

NaQonianz — Sat, 08 Aug 2009 11:16:24 +0000

Har ek harf-e-aarzu ko daastaa’n kiye hue
zamaana ho gaya hai unn ko mehmaa’n kiye hue

suroor-e-aish talkhi-e-hayaat ne bhula diya
dil-e-hazee’n hai bekasi ko hijr-e-jaa’n kiye hue

kali-kali ko gulistaa’n kiye hue wo aayenge
wo aayenge kali-kali ko gulistaa’n kiye hue

sukoon-e-dil ki raahato’n ko unn se maang loon
sukoon-e-dil ki raahato’n ko bekaraa’n kiye hue

wo aayenge to aayenge junoon-e-shauq ubhaarne
wo jaayenge to jaayenge tabaahiyaa’n kiye hue

main unn ki bhi nigaah se chhupa ke unn ko dekh loon
ki unn se bhi hai aaj rashq badgumaa’n kiye hue

Sent By: Ahad-e-Wafa From Orkut

Urdu Poetry: yeh jafa-e-ghum ka chara, voh najaat-e-dil ka aalam

NaQonianz — Fri, 17 Jul 2009 09:54:50 +0000

yeh jafa-e-ghum ka chara, voh najaat-e-dil ka aalam
tera husn dast-e-iisa, teri yaad rooh-e-mariyam

dil-o-jaan fidaayen raahen, kabhi aa key dekh humdum
Sar-e-kuu-e-dil figaaraN, shab-e-aarzuu ka aalam

teri deed se sivaa haiN, terey shauq mey baharaaN
voh chaman jahan_giri hai, tere gesuuoN ki shabnam

lo suuni gayi hamari, yoon phirey hain din ke phir se
vohi goshaa-e-qafas hai, vohi fasl-e-gul kaa maatam

yeh ajab qayamataiN haiN, teri rehguzar maiN guzraaN
na hua ke mar mitey hum, na hua ke ji uThey hum

Sent By: Junaid Shabir