E-Entertainment » shair o shairy

Urdu Poetry: Har ek harf-e-aarzu ko daastaa’n kiye hue

NaQonianz — Sat, 08 Aug 2009 11:16:24 +0000

Har ek harf-e-aarzu ko daastaa’n kiye hue
zamaana ho gaya hai unn ko mehmaa’n kiye hue

suroor-e-aish talkhi-e-hayaat ne bhula diya
dil-e-hazee’n hai bekasi ko hijr-e-jaa’n kiye hue

kali-kali ko gulistaa’n kiye hue wo aayenge
wo aayenge kali-kali ko gulistaa’n kiye hue

sukoon-e-dil ki raahato’n ko unn se maang loon
sukoon-e-dil ki raahato’n ko bekaraa’n kiye hue

wo aayenge to aayenge junoon-e-shauq ubhaarne
wo jaayenge to jaayenge tabaahiyaa’n kiye hue

main unn ki bhi nigaah se chhupa ke unn ko dekh loon
ki unn se bhi hai aaj rashq badgumaa’n kiye hue

Sent By: Ahad-e-Wafa From Orkut

Urdu Poetry: Dasht-e-tanhai mein aye jaan-e-jahan larzaan hain

NaQonianz — Thu, 16 Jul 2009 12:51:31 +0000

Dasht-e-tanhai mein aye jaan-e-jahan larzaan hain
teri awaaz ke saaye tere honthon ke saraab
dasht-e-tanhai mein doori ke khas-o-khaak tale
khil rahe hain tere pahalu ke saman aur gulaab

Uth rahi hai kahin qurbat se teri saans ki aanch
apni khushboo mein sulagti hui maddham maddham
door ufaq par chamakati hui qatra qatra
gir rahi hai teri dildaar nazar ki shabnam

Us qadar pyaar se aye jaan-e-jahan rakha hai
dil ke rukhsaar pe is waqt teri yaad ne haath
yun guman hota hai garche hai abhi subah-e-firaaq
dhal gaya hijr ka din aa bhi gayi vasl ki raat.

Dash-e tanhai mainâ€¦â€¦..

[Faiz Ahmad Faiz]

Sent By: Junaid Shabir from Orkut

Urdu Poetry: Dard Ki Dawa Kya Hai

NaQonianz — Thu, 16 Jul 2009 12:34:47 +0000

dard ki dawa kya hai
main nahi, bura kya hai

paas rakhta hai subha shaam
marg hai baqa kya hai

tu mujh se juda to nahi
paas nahi juda kya hai

dard dil mein jagah bana gya
dharkanoon mein sada kya hai

mom ho jata tera mann kaash
gercha socha so naya kya hai

choor ker mujh ko khalique
haath mein thama kya hai

Poet: Khalique Shah

Urdu Poetry: Na jee bhar ke dekha na kuch baat ki

NaQonianz — Thu, 16 Jul 2009 12:26:45 +0000

Na jee bhar ke dekha na kuch baat ki,
Bari aarzoo thee mulaaqat ki.

Shab-e-hijir tak ye tashweesh hai,
Musaafir ne jaane kahan raat ki.!!

Muaqaddar meri chashm pur aab k,
Barasti huee raat barsaat ki.

Ujaalon ki paryan nahaane lagein,
Naddi gungunayi khayaalat ki.

Main chup tha to chalti hawa ruk gayi,
Zabaan’ sab samajhte hain jazbaat ki.

Kayee saal se kuch khabar hi nahin,
Kahan din guzaara kahan raat ki..!?

Urdu Poetry: Apne her her lafz kaa Khud aaieena ho jaaonga

NaQonianz — Tue, 14 Jul 2009 06:23:15 +0000

Apne her her lafz kaa Khud aaieena ho jaaonga,
Us ko chhotaa keh k main kese bara ho jaaonga?

Tum giraane main lage the tum ne sochaa hi nahin,
Main giraa to masala ban kar khara ho jaaongaa.
Mujh ko chalne do akelaa hai abhi meraa safar,
Raastaa rokaa gayaa to qaafilaa ho jaaongaa.

Saarii duniyaa ki nazar main hai meraa ahad-e wafa,
Ik tere kehne se kyaa main bewafaa ho jaaongaa?!

Poet: Waseem Barelvi

Sent By: Junaid Shabir from Orkut

Urdu Poetry: Khulegi iss nazar pe chashm-e-tar aahista-aahista

NaQonianz — Wed, 08 Jul 2009 10:04:24 +0000

Khulegi iss nazar pe chashm-e-tar aahista-aahista
kiya jaata hai paani mein safar aahista-aahista

koi zanjeer phir waapas wahee’n par le ke aati hai
kathin ho raah to chhoot’ta hai ghar aahista-aahista
badal dena hai rasta ya kahee’n par baith jaana hai
ki thakta jaa raha hai humsafar aahista-aahista

khalish ke saath iss dil se na meri jaan nikal jaaye
khinche teer-e-shanaasaai magar aahista-aahista

hua hai sarkashi mein phool ka apna ziyaa’n dekha
so jhukta jaa raha hai ab ye sar aahista-aahista

meri shola mijaazi ko wo jangal kaise raas aaye
hawa bhi saans letii ho jidhar aahista-aahista.

[PARVEEN SHAKIR]

Sent By: Imran from Orkut Community

Urdu Poetry: kya rasmi rasmi mukalamay,mujhay dil say pyar nahi kya

NaQonianz — Wed, 08 Jul 2009 09:31:20 +0000

kya rasmi rasmi mukalamay,mujhay dil say pyar nahi kya
mujhay aitabar to kah dia,mera aitabar nahi kya

mere fard_e_jurm say aashna,sabhi jantay hay yeh majra
kay siway sabar kay koi rasta iktiar nahi kya
mera raftagaa nay yeh kah dia milay gay aglay parao per
bare ujlatoo may thay hamsafar,mera intazaar nahi kya

koi tha kay jis kay firaq nay mera aisa haal bana dia
kisi bay wafaee ki judaee nay mujhay bay qarrar nahi kia

meray apnay loog thay mehrbaan ,meray apnay roog thay raaz daaa
kisi ajnabi , kisi gher nay maeray dil pay waar nahi kya

may jaha gaya mujhay ehaal dil nay galay say apnay laga liya
mere aag nay ,meray isshq nay kahi baywaqaar nahi kya

Sent By: Izhar Korai From Orkut Community Meer Taqi Meer

Urdu Poetry: yahan har shakhas har Pal

NaQonianz — Wed, 08 Jul 2009 09:04:26 +0000

yahan har shakhas har Pal
Hadsa hone sai darta hai

Khilona hai mitti kaa
Fana honay se darta hai
MEray dil k kisi konay mai
EK masoom saa bacchaa

BAroon ki deikh kar duniyaa
Bara honay se darta haii

Ajab hai zindagi ki qaid mai
Duniya ka har insaannnnn

RIhaii mangta hai aur
Rihaa honay se darta hai

Sent By: Huma From Orkut Community

Urdu Poetry: Suna hai by Parveen Shakir

NaQonianz — Mon, 06 Jul 2009 08:13:03 +0000

Suna hai

Suna hai janglon ka bhi koi dastoor hota hai

Suna hai sher ka jab pait bhar jaaye

To wo hamla nahin kerta,

Suna hai jab kisi nadi k paani main
Bue k ghonsle ka gandami saaya larazta hai

To nadi ki ro pehli machhilyaan us ko

Parosi maan leti hain,

Hava k taiz jhonke jab darakhton ko hilaate hain

To Meena apne ghar ko bhool ker

Kaâ€™uve k andon ko paron main thaam leti hai

Suna hai Ghonsle se jab koi bacha gire to

Saara jangle jaag jaata hai.

Naddi main baar aa jaaye

Koi Pull toot jaaye

To kisi lakri k takhte per

Gulahri, Saanp, Cheeta aur Bakri

Saath hote hain.

Suna hai janglon ka bhi koi dastoor hota hai,

Khuda-wanda Jaleel-o Muâ€™atbar, Daana-o Beena Munsif-o Akber,

HUMARE SHAHAR MAIN AB,

JANGLON KA HI KOI DASTOOR NAAFIZ KER..!!

Poet: Parveen Shakir

Sent By: Junaid Shabir from Orkut Community Meer Taqi Meer

Urdu Poetry: Yaar ko maine mujhe yaar ne sone na diya

NaQonianz — Mon, 06 Jul 2009 07:57:50 +0000

Yaar ko maine mujhe yaar ne sone na diya
raat bhar taali-e-bedaar ne sone na diya

ek shab bulbul-e-betaab ke jaage na naseeb
pehlu-e-gul mein kabhi khaar ne sone na diyaraat bhar ki dil-e-betaab ne baatein mujhse
mujhko iss ishq ke beemaar ne sone na diya.

[KHWAJA HAIDER ALI 'AATISH']

Sent By: Ah@d-e-Aawargi