E-Entertainment » shairi

Urdu Poetry: Mere Hum-Rahi Suno, Aao Chale Chaand Ke Paar

NaQonianz — Wed, 03 Mar 2010 06:50:06 +0000

Mere Hum-Rahi Suno,
Aao Chale Chaand Ke Paar
Aisi Duniya Mein Kahin Door.

Jisme Na Gham Ho Na Aansu Ho,
Na Aanhe Ho Kahin,
Aur Khushiya Ho,
Tera Pyar Ho,
Mere Aas Paas,
Mere Paas Paas.

Kabhi Tanha Jo Huyi Tum,
Kahin Zindagi Ke Safar Mein,

To….

Meri Awaz Sunogi TUM Apni Hi Dhadkano Mein.

Zindagi Mujhko Jab Kabhi,
Tujhse Juda Bhi Kar De,

To….

Band Aankho Ki Nazron Se
Tujhe Dekhoon.

Tujhe Dekhoonga.
Mere Saaye Ki Tarah.

Tum To Rahogi Har Pal Mein,
Mere Aas Pass
Mere Paas Pass.
Aur
Main Rahoonga Har Pal Mein.
Tere Aas Pass,
Tere Paas Pass.
Tere Aas Pass

Mere Aas Paas. . .

Urdu Poetry: KARE GHAIR QURBAT KI PUJA TO KAFIR BY MOULANA ALTAF HUSAIN HAALI

NaQonianz — Wed, 06 Jan 2010 11:10:42 +0000

KARE GAIR QURBAT KI PUJA TO KAFIR
JO TEHRAYE BAITA KHUDA KA TO KAFIR
JHUKE AAG PAR BEHRE SIJDA TO KAFIR
KOH AKAB MAIN MANE KARISHMA TO KAFIR

MAGAR MOMINO PAR KUSHADA HAI RAHE
PARSHATISH KARE,SHOAQ SE JIS KI CHAHE

NABI KO JO CHAHE KHUDA KAR DIKHAE
IMAMO KA RUTBA NABI SE BADHAYE
MAZARO PE DIN RAT NAZRE CHADHAYE
SHAHIDO SE JA JAKE MANGE DUAE

NA TOHID MAIN KUCH KHALAL IS SE AAYE
NA ISLAM BIGDE NA IMAN JAYE

WO DEEN JIS SE TOHID PHELI JAHAN MAIN
HUA JALWA GAR HUQ ,ZAMEE-WA-ZAMA MAIN
RAHA SHIRK BAQI,NA WAHEM-WA-GUMA MAIN
WO BADLA GAYA AAKE HINDUSITAN MAIN

HAMESHA SE THA JIS PE ISLAM NAZA
WO DOALAT BHI KHO BAITHE AAKHIR MUSALMAN

Poet: MOULANA ALTAF HUSAIN HALI

Urdu Poetry: Ye Alag Baat Hai Saaqi Mujhe Hosh Nahin

NaQonianz — Thu, 03 Dec 2009 07:08:50 +0000

Ye Alag Baat Hai Saaqi Mujhe Hosh Nahin.
Hosh Itna Hai Ki Main Tujhse Faraamosh Nahin.

Main Teri Mast Nigaahi Ka Bharam Rakh Loonga.
Hosh Aaya Bhi To Kah Doonga Mujhe Hosh Nahi.

Yaad Itna Hain Ki Pahuncha Dar-E-Dilruba Tak.
Kya Kahoon Aage Ki, Aage Ka Mujhe Hosh Nahin..

Kabhi Un Mad Bhari AankhoN Se Piya Tha Ek Jaam.
Aaj Tak Hosh Nahin, Hosh Nahin Hosh Nahin.

Urdu Poetry: Yun saja chaand k jhalka tere andaaz ka rang By Faiz Ahmad Faiz

NaQonianz — Fri, 20 Nov 2009 06:09:18 +0000

Yun saja chaand k jhalka tere andaaz ka rang,
Yun faza mehaki k badla mere hum-raaz ka rang.

Saya-e chashm main hairaan rukh-e roshan ka jamaal,
Surkhi-e lab pe pareshaan teri aawaaz kaa rang.

Be-piye hon k agar lutf karo aakhir-e shab,
Sheesha-e may main dhale subah k aaghaz ka rang.

Ik sukhan aur k phir rang-e takallum tera,
Harf-e sada ko inaayat kare aijaz ka rang.

Poet: Faiz Ahmed Faiz

Urdu Poetry: Raaz-e ulfat chhupa k dekh liya By Faiz Ahmed Faiz

NaQonianz — Fri, 20 Nov 2009 06:07:46 +0000

Raaz-e ulfat chhupa k dekh liya,
Dil buhat kuch jala k dekh liya.

Aur kya dekhne ko baaqi hai?
Aap se dil laga k dekh liyaa.

Wo mere hoke bhi mere na hue,
Un ko apna bana k dekh liyaa.

Aaj un ki nazar main kuch humne,
Sab ki nazrain bacha k dekh liyaa.

Aas us dar se toot’ti hi nahin,
Ja k dekha, na ja k dekh liyaa.

‘Faiz’, taqmeel-e gham bhi ho na saki,
Ishq ko aazmaa k dekh liyaa.

Poet: Faiz Ahmed Faiz

Urdu Poetry: Nahin Minnat-Kash-E-Taab-E-Shaneedan DastaaN Meri By Allama Iqbal

NaQonianz — Mon, 16 Nov 2009 11:38:26 +0000

Nahin Minnat-Kash-E-Taab-E-Shaneedan DastaaN Meri.
Khamoshi Ghuftagoo, Be-Zubani Hai ZabaaN Meri.

Ye Dastoor-e-ZabaaN-Bandi Hai Kaisi Teri Mahefil Mein.
Yahan To Baat Karne Ko Tarasti ZabaaN Meri.

Uthaye Kuch Waraq Lala Ne Kuch Nargis Ne Kuch Gul Ne.
Chaman Mein Har Taraf Bikhri Huyi Hai DastaaN Meri.

Tapak Aye Shama ! Aanshu Ban Ke Parwane Ki Aankho Se.
Sarapa Dard Hoon Hasrat Bhari Hai DastaaN Meri.

Ilaahi Fir Maza Kya Hai Yahan Duniya Mein Rahene Ka.
Hayaat-E-JaawindaN Meri Na Marg-E-NaaghaN Meri…

Poet: Allama Muhammad Iqbal

Urdu Poetry: Dil Mein Kisi Ke Raah Kiye Jaa Raha HoÃ¶n Main By Jiger

NaQonianz — Mon, 16 Nov 2009 11:32:03 +0000

Dil Mein Kisi Ke Raah Kiye Jaa Raha HoÃ¶n Main.
Kitna Haseen Gunah Kiye Jaa Raha Hoon Main.

Duniya-E-Dil Tabah Kiye Jaa Raha Hoon Main.
Sarf-E-Nigah-O-Aah Kiye Jaa Raha Hoon Main.

Fard-E-Amal Siyaah Kiye Jaa Raha Hoon Main.
Rahmato*N Ko Bepanaah Kiye Jaa Raha Hoon Main.

Aisi Bhi Ik Nigaah Kiye Jaa Raha Hoon Main.
Zarro Ko Maher-0-Maah Kiye Jaa Raha Hoon Main.

Mujh Se Lage Hain Ishq Ki Azmat Ko Chaar Chaand.
Khud Husn Ko Gawaah Kiye Jaa Raha Hoon Main.

Maasoomi-E-Jamaal Ko Bhi Jis Pe Rashq Ho.
Aise Bhi Kuch Gunaah Kiye Jaa Raha Hoon Main.

Tanaqeed-E-Husn Maslahat-E-Kaash-E-Ishq Hai.
Ye Jurm Gaah-Gaah Kiye Jaa Raha Hoon Main.

Gulshan Parast Hoon Mujhe Gul Hi Nahin Azeez.
Kanto*N Se Bhi Nibaah Kiye Jaa Raha Hoon Main.

Yun Zindagi Guzaar Raha Hoon Tere Baghair.
Goya Koi Gunaah Kiye Jaa Raha Hoon Main.

Mujhse Ada Hua Hai “Jigar”Justajoo Ka Haq.
Har Zarre Ko Gawaah Kiye Jaa Raha Hoon Main.

Urdu Poetry: Baarish huee to phoolo’n ke tan chaak ho gaye

NaQonianz — Tue, 04 Aug 2009 09:22:22 +0000

Baarish huee to phoolo’n ke tan chaak ho gaye
mausam ke haath bheeg ke saffaaq ho gaye

baadal ko kya khabar ki baarish ki chaah mein
kitne buland-o-baala shajar khaak ho gaye

jugnu ko din ke waqt pakadne ki zidd karein
bachche hamaare ahad ke chaalaak ho gaye

lehra rahi hai barf ki chaadar hata ke ghaas
sooraj ki shah pe tinke bhi bebaak ho gaye

sooraj dimaag log bhi iblaag-e-fiqr mein
zulf-e-shab-e-firaaq ke pechaak ho gaye

jab bhi gareeb-e-shehar se kuch guftagu huee
lehje hawa-e-shaam ke namnaak ho gaye

saahil pe jitne aabguzeeda thhey sab ke sab
dariya ke rukh badalte hi tairaak ho gaye.

Poet: PARVEEN SHAKIR

Sent By: Imran From Orkut

Urdu Poetry: Apni muhabbat k afsaane kab tak raaz banaaoge

NaQonianz — Wed, 08 Jul 2009 09:52:47 +0000

Apni muhabbat k afsaane kab tak raaz banaaoge!
Ruswaayi se darne waalo baat tumhi phelaaoge.

Us ka kya hai tum na sahee to aur buhat,
Tark-e Muhabbat kerne waalon tum tanha reh jaaoge.
Hijr k maaron ki khush-fehmi, jaag rahe hain pehron se,
Jese shab yun kat jaayegi, jab Tum aajaaoge.

Chhoro ahd-e wafa ki baatain, kyun jhoote iqraar karain?
Kal main bhi sharminda hoonga, Kal tum bhi pashtaaoge.

Rehne do ye pind-o naseehat hum bhi Faraz’ se waqif hain,
Jis ne khud so zakham sahe hoon us ko kya samjhaaoge.

Poet: Ahmad Faraz

Sent By: Junaid Shabir from Orkut Community