E-Entertainment » shairo shairi

Urdu Poetry: Badalate Waqt kaa ik sil_silaa saa lagataa hai

NaQonianz — Thu, 01 Jul 2010 07:37:14 +0000

Badalate Waqt kaa ik sil_silaa saa lagataa hai
ke jab bhii dekho use duusaraa-saa lagataa hai

tumhaaraa husn kisii aadamii kaa husn nahi.
kisii buzurg kii sachchii duaa saa lagataa hai

terii nigaah ko tamiiz rang-o-noor kahaan
mujhe to Khoon bhii rang-e-hinaa saa lagataa hai

damaaG-o-dil hun agar mutma_ii.n to chhaao.n hai dhoop
thapea loo kaa bhii ThanDii havaa saa lagataa hai

vo chhat pe aa gayaa betaab ho ke aaKhir
Khudaa bhii aaj shariik-e-duaa saa lagataa hai

tumhaaraa haath jo aayaa hai haath me mere
ab aitabaar kaa mausam haraa-saa lagataa hai

nikal ke dekho kabhii nafaraton ke pinjare se
tamaam shahar kaa “Manzar” khulaa saa lagataa hai.

Urdu Poetry: Yoon shikasto’n se darr nahi jaate

NaQonianz — Wed, 06 Jan 2010 11:22:27 +0000

Yoon shikasto’n se darr nahi jaate
koi bichhde to mar nahi jaate

doosri baar pyaar karne se
zakhm pehle ke bhar nahi jaate

main udaanein to kab ki bhool chuka
bas mere baalo par nahi jaate

aankh khulne se toot’ti hai neend
khwaab gir ke bikhar nahi jaate

main to shaayar hoon to hoon aawara
aap kyun apne ghar nahi jaate.

Urdu Poetry: Zameen pe chal na saka aasmaan se bhi gaya

NaQonianz — Mon, 16 Nov 2009 11:28:20 +0000

Zameen’ pe chal na saka aasmaan se bhi gaya,
Katte jo parr to parinda urraan se bhi gaya.

Bhula diya to bhulaane ki intaha ker dee,
Ab wohi shakhs mere wehm-o gumaan se bhi gaya.

Kisi k haath se nikla huaa wo teer hoon main,
Hadaf ko chhoo na saka aur kamaan se bhi gaya.

Tabaah ker gayee mujhe pakke ghar ki khuwaahish,
Main apne gaaon k kache makaan se bhi gaya.

Paraayi aag main kooda to kya mila mujh ko,
Usay bacha na saka, apni jaan se bhi gaya..

Urdu Poetry: Sakoot-E-Shaam Mitaao Bahot Andhera Hai

NaQonianz — Sun, 25 Oct 2009 10:15:44 +0000

Sakoot-E-Shaam Mitaao Bahot Andhera Hai.
Sukhan Ki Shamaa Jalaao Bahot Andhera Hai.

Dayaar-e-Gham Mein Ãil-E-Bekaraar Chhoot Gaya.
Sambhal Ke Talaashne Jaao Bahot Andhera Hai.

Ye Raat Wo Ke Jahan Sujhe Na Haath Ko Haath.
Aye Khayaalo Door Na Jaao Bahoot Andhera Hai.

Zulf Ko Chahere Pe Daale Wo So Raha Hai Kahin.
Zayaa-E-Rukh Ko Churao Bahoot Andhera Hai.

Hawayein Neem-Shabee Hon Ya Chaadar-E-Anjum.
Naqaab Rukh SE Hataao Bahoot Andhera Hai.
[neem-shabee= midnight]
[chadar e anjum= sheet of stars]

Shab-E-Siyaah Mein Gum Ho Gayi Hai Raah-E-Hayaat.
Qadam Sambhal Ke Uthaao Bahoot Andhera Hai.

Urdu Poetry: Haal-e dil un ko sunaate jaaiye

NaQonianz — Sun, 25 Oct 2009 10:07:40 +0000

Haal-e dil un ko sunaate jaaiye,
Shart yeh hai muskuraate jaaiye.
Aap ko jaate na dekha jaayega,
Shama ko pehle bujhaate jaaiye.

Dushmano se pyar hota jaayega,
Doston ko aazmate jaaiye.

Roshani mehdood ho jinki “Khumar”
Un chiraagon ko bujhaate jaaiye.

Urdu Poety: Youn To Jaate Huye Main Ne Use Roka Bhi Nahin

NaQonianz — Tue, 06 Oct 2009 12:01:54 +0000

Youn To Jaate Huye Main Ne Use Roka Bhi Nahin.
Pyaar Ab Usse Na Raha Ho Mujh se Aisa Bhi Nahi.

Mujhko Manzil Ki Koi Fiqr Nahin Hai Ya Rab ! .
Par Bhatak-Ta Hi Rahoon Jis Pe Wo Rasta Bhi Nahin.

Muntazir Main Bhi Kisi Shaam Nahin Tha Uska.
Aur Waade Pe Kabhi Sakhs Wo Aaya Bhi Nahi.

Jiski Aahat Pe Nikal Parhta Tha Kal Seene Se.
Dekh Kar Aaj Use Dil Mera Dhadka Bhi Nahin.

Urdu Poetry: Darr-e qafas say paray jab hawa guzarti hai

NaQonianz — Sat, 08 Aug 2009 11:30:44 +0000

Darr-e qafas say paray jab hawa guzarti hai
Kisay khabar k aseeron pe kya guzarti hai

Taluqaat kabhi is qadar na toote thay
K teri yaad bhi dil se khafa guzarti hai

Wo ab mile bhi to milta hai is tarah jese
Bujhe charaag ko chhoo ker hawa guzarti hai

Faqeer kab k gaye jungalon ki simat magar
Galli se aaj bhi un ki sada guzarti hai

Ye ahl-e hijir ki basti hai ehtiyaat se chal
Museebaton ki yahan intaha guzarti hai

Sent By: Junaid Shabir

Urdu Nazam: EK TAZA HIKAYAT HAI

NaQonianz — Fri, 17 Jul 2009 09:57:23 +0000

” EK TAZA HIKAYAT HAI

SUN LO TUM INAYAT HAI

IK SHAKS KO DHEKA THA

TAROON KI TARHA HUM NAY

WO SHAKS QUAMAT THA

KIA US KI KARAIN BAATAIN

DIN US KAY LIAY PAIDA

AUR US KI HI THI RAATAIN

KAM MILNA KISI SE THA

HUM SE THIN MULAQATAAN

KHUCH TUM SE WO MILTA THA

BATOON MAIN SHABAHAT MAIN

HAAN TUM SA HI LAGTA THA

SHOQI MAIN SHARAT MAIN

LAGTA BHI TUM HI SA THA

DASTOORE MOHABBAT MAIN

WO SHAKS HAMAIN EK DIN

APNOO KI TARAH BHOLA

TAROON KI TARAH DOBA

PHOLON KI TARH TOTA

PHIR HAATH NA AAYA WO

HUM NAY TO BOHAT DHONDA

TUM KISLIAI CHONKAY HO

KAB ZIKAR TUMHARA HAI

KAB TUM SR TAKAZA HAI

KAB TUM SE SHIKAYAT HAI

EK TAZA HIKAYAT HAI

SUN LO TO INAYAT HAI ”

Sent By: Izhar Korai

Urdu Poetry: Gungunate hue Aanchal ki hawa de mujh ko

NaQonianz — Thu, 16 Jul 2009 13:06:09 +0000

Gungunate hue Aanchal ki hawa de mujh ko
Ungliya pher ke baalon main sula de mujh ko.

Yaad kar ke mujh ko taqleef hi hoti ho gi,
Aik kissa hon purana sa bhula de mujh ko.

Doobte doobte awaaz teri sun jaaon
Akhari baar to sahil se sada de mujh ko.

Dekh main ho gaya badnaam kitabon ki tarah
Meri tashheer na kar ab to jala de mujh ko.

Roothtna tera meri jaan liye jata hai
Aise naraz na ho hans ke dikha de mujh ko.

Yehi auqat hai meri tere jeevan main ke main
Koi kamzor sa lamha hon, bhula de mujh ko.

Aur kuch bhi nahi manga mere Maalik tujh se
Us ki galiyon main paddi khaak bana de mujh ko.

Sent By: Junaid Shabir

Urdu Poetry: Ranj ki jab guftagoo hone lagi

NaQonianz — Thu, 16 Jul 2009 13:01:09 +0000

Ranj ki jab guftagoo hone lagi,
Aap se tum, tum se tu hone lagi.

Chaahiye paigaambar dono taraf,
Lutf kyaa jab duu-ba-duu hone lagi.

Merii rusawaayi ki nobat aa gayi,
Unki shuharat quu-ba-quu hone lagi.

Naazir barah gayi hai is qadar,
Aarazuu ki aarazuu hone lagi.

Ab to mil kar dekhiye kya rang ho,
Phir hamaarii justajuu hone lagi.

‘Daag’ itaraaye hue phirate hain aap,
Shaayad unkii aabaruu hone lagi.

Poet: Daagh Dehlvi

Sent By: Junaid Shabir