USNE BHI SUN KE ANSUNA SAA KER DIYA OR
BJAYE PHOOLO KE DAMAN KANTO SE BHAR DIYA

HAMNE TO USKO APNA REHNUMA BNAYA THAA
APNA YE HAATH USKE HAATHO ME THMAAYA THAA

KEHTE HAIN WO KABHI HAATH NAHI CHHODTA HAI
TUTI HUI TAQDEERON KO WO HI FIR SE JODTA HAI

HAMNE BHI USKO APNAA DARDE-HAAL BTAYA THAA
KAYA GUZRI HAI HAMPE RO RO KE SUNAAYA THAA

SHAYAD HMARI IBAADTO ME KAMI REH GAYI HOGI
ISLIYE USNE BHI APNAA HAATH NAHI UTHAYA THAA

bazahir aam lehjay main

kaha tha main ne jab us se

“badal lo raasta apna

juda rahain yaheen karlo

hamaray chahnay na chahnay se

kuch nahi hota

ye hi sach hai ke hum do mukhtalif

raston ke raahi hai

to phir kion dil ki manain hum

shuru main manti hoon main

azziyat dil ko pohanchay gi

magar phir waqt guzray ga

sabhi zakhmon ko bhar de ga”

meray is aam se lehjay pe wo

ik pal ko chonka tha

meri aankhon main aankhain daal kar

hairat se poocha tha

“ye sab jo keh rahi ho khud ko ye samjha bhi pao gi?”

bohat hi jee karda kar ke

main us dam muskuraii thi

bohat khud pe jabar kar ke

main us se keh ye payi thi

“meri tum fikr rehnay do

sambhal jaoon gi main khud hi

sabhi zakhmon ko sii loon gi

bhula kar sari batoon ko

akaili bhi main jee loon gi”

buhat hi be yaqeen aakhoon se

us ne mujh ko dekha aur

Bina ik lafz bolay wo gaya or phir nahi aaya

aur ab tark_e_taalluq ko

agarche umar beeti hai

magar is dil pe us ki zaat ka

jo naqsh qaaim tha

kabhi dhundla nahi hota

mujhay mehsoos hota hai

ke jaisay meray kanoon main

wo apni bolti aankhoon se

sargoshi si karta hai

“WO SAB JO KEH RAHI THEEN

KHUD KO WO SAMJHA BHI PAI HO?”

Kaanp uthti hon main ye soch k tanhaayi main,
Mere chehre pe tera naam na parh le koi.

Jis tarah khuwaab mere ho gaye reza reza,
Us tarah se na kabhi toot k bikhre koi.!

Main to us din se hiraasaa’n hon k jab hukum mile,
Khushk phoolon ko kitaabon main na rakhe koi.

Ab to is raah se wo shakhs guzarta bhi nahin,
Ab kis umeed pe darwaaze se jhaanke koi?

Koi aahat, koi aawaz, koi chaap nahin,
Dil ki galiyaan barree sunsaan hain, aaye koi..

Bina Jurm-o-Khata Khud Ko Koii Aisii Saza Deyna
Bohat Mushkil Hai Meri Janaa!! Tumhein Bilkul Bhula Deyna

Mere Maula! Agar Tuu Ney Doobara Zindagii Bakhshii
To Bas Itnii Guzarish Hai, Mujhe Patthar Bana Deyna

Main Zehnii Tor Par Khud Ko Zara Tayyar Kar Loongi
Bichar Janey Sey Kuch pehley HAMDAM Bata Deyna

Tumhari Yeh Shararat Aaj Tak Naqsh Hai Dharkan Par
Dabey Paoon Chale Aana, Mera Jhumka Hila Deyna

Phir Is K Baad Jis K Paas Bhi Jaao, Ijaazat Hai
Mujhe Aik Baar Apne Naam Kii Mehndi Laga Deyna

Faqat Itna Kaha Tha naa?.. Mujhe Kuch Roshnii Dey Do
Tumhein Kis Ney Yeh Bola Tha? Merii Bastii Jala Deyna

Jisey Baarish K Paanii Main Baha Kar Muskurate Thay
Mujhe Kaagaz Kii Woh Kashtii Zra Phir Sey Bana Deyna

Umar Bhar Phir Tumhara Raasta Takne Sey Acha Hai
K Tum Jaane Sey Kuch Pehley Meri Aankhein Bhuja Deyna

Tumhein Iss Baar Khatt Main Faqat Yeh Baat Likhnii Hai
K Saawan Laut Aaya Hai….Mujhe Jhoola Jhula Deyna

Phool khilte hain to hum sochte hain,
Tere aane k zamaane aaye.

Aisi kuch chup see lagi hai jese,
Hum Tujhe haal sunaane aaye.

Ishq tanha hai sar-e manzil-e gham,
Kon ye bojh uthaane aaye!!

Ajnabi, Dost humain dekh k humain,
Kuch tujhe yaad dilaane aaye.

Dil dharakta hai safar k hangaam,
Kaash! phir koi bulaane aaye..

Ab to rone se bhi dil dukhta hai,
Shayad ab hosh thikaane aaye.

Kya kaheen phir koi basti ujjri,
Log kyun jashan manaane aaye??

Soye raho Mout k pehloo main Faraz’
Neend kis waqt najaane aaye..!

Poetry: Ahmed Faraz

Kuchh To Majbooriyan Rahi Hongi,

Yoon Koi Bewafa Nahin Hota…

Guftugu unse roz hoti hai…

muddaton samna nahi hota…

Gee boht chahta hai such bolen

kya kren hosla nahi hota…?

Rat ka intezar kon kre?

Aj kal din men kya nahi hota?

Aik tum he na hmare huay…

Warna dunya men kya nahi hota…!

Poet: Bashir Badar

Theek Kehtey Hain
Mohabbat To Kisi Bay Deep Qabristaan Ki
Boseeda Si Ik Qaber Per Woh Nassb Katba Hay
Key Jiss Per Saaf Likha Ho
Shaheed-e-Raah-e-Ulfat
Ashiq-e-Nakaam Ka Marqad

Mohabbat Aik Katba Hay

Laga Hota Hay Jo Aksar
Kabhi Layla Kay Marqad Per
Kabhi Majnoo Ki Hasrat Per
Kabhi Soni Kay Matkay Per
Kabhi Ranjhay Kay Teeron Per

Mohabbat Aik Katba Hay…
Kay Jis Per Saaf Likha Ho…

Mohabbat Maot Ki Aghoosh May Sir Rakh Kay Sona Hay
Mohabbat Dil Pay Laahaq Roag Hay
Taa Umer Rona Hay
Mohabbat Raat Bhar Ka Jagna
Aur Jaan Khona Hay

Muhabbat Arzoo-O-Hasrat-O-Arman-O-Kuwahish Ki
Kisi Maydan May Rakhee Hui Aik Aysee Mayyat Hai
Kay Jis Ko Kandha Dayney Kay Liye
Koi Nahi Aata
Mager Phir Bhi
Laboon Per Her Kisi Insane Kay Rakha Hay Ye Jumla

MUJHEY TUM SEY MUHABBAT HEY

Koi Mujh Say Ager Kah Day
Mujhey Tum Say Mohabbat Hai
To Dar Jata Hon May Bayhad
Yeh Dil Main Wehem Aata Hay

Kay Ye Izhar Ka Jumla
Muhabbat Ka Yah Ik Katba

Phir Kisi Bay Deep Qabristaan Ki
Boseeda Si Ik Qaber Ki
Zeenat Na Ban Jaey
Mohabbat Ka Yah Katba
Phir Naee Aafat Na Ban Jaye
Wohee Katba
Kay Jiss Per Saaf Likha Ho

Shaheed-E- Raah-E-Ulfat
Ashiq-E-Nakaam Ka Marqad

tujhii pe Khatm hai jaanaaN mire zavaal kii raat
tuu ab tulu bhii ho jaa, ke Dhal rahaa huuN maiN

bulaa rahaa hai miraa jaamaa-zeb milne ko
to aaj pairahan-e-jaaN badal rahaa huuN maiN

Ghubaar-e-rahguzar kaa ye hauslaa bhii to dekh
havaa-e-taazaa! tire saath chal rahaa huuN maiN

Hasti hi apni kya hai zamaane k saamne,
Ik khuwab hain jahaan’ main bikhar jaayen hum to kya?

Ab kon muntazir hai humare liye wahaan?
Shaam aa gayi hai lot k ghar jaayen hum to kya?

Dil ki khalish to sath rahegi tamaam umar,
Daryaa-e gham k paar utar jaayen hum to kya?

Poet: Munir Niyazi

Sent By: Junaid Shabir

to uski baatain kiya karay
to uski baatain suna karay
to us ko dekh ker ruka karay
wo tujhe dekh ker chala karay

tujhe hijar ki Aisy chari lagay
to milan ki her pal dua karay
to tarpay uske ishq main
wo tujhe bhoolnay ki dua karay

tujhe ishq ho phir yaqeen ho
to use tasbeehon main parha karay
main kaho ke ishq to dhong hai
to nahi nahi kaha karay

teray samnay tera ghar jalay
tera bas chalay na bhuja sakay
teray moun se yahi dua niklay
na ghar kisi ka jala karay

Sent By: Izhar Korai