aaj sard hawa ka raqs bhi hai

aaj phool bhi nikhre-nikhre hain

aaj unn mein tumhaara aqs bhi hai

aaj baadal kaale gehre hain

aaj chand pe laakho’n pehre hain

kuch tukde tumhari yaado’n ke

badi derr se dil mein thehre hain

aaj yaadein uljhi-uljhi hain

aaj taar ye sab suljhe hain

aaj yaad bahot tum aaye ho

aaj yaad bahot tum aaye ho..!

pura Haq tha Teri Chahat Ke Chaman Par Mera
pura Haq Tha Teri Khushbu-e-badan Par Mera
kya mera pyar tere pyar ka haqdar nahi
kya ab main tere Gesu-o-rukhsar Ka Haqdar Nahi
Kyon Kisi Aur Ke Shano Pe Hai Tera Aanchal
Main tufano se lad jaounga mere sath to chal

Mujhe Tere Pyaar Se Ghar Apna Basane de
Mujhe teri maang sitaro se sajane de
Meri Kismat Mai hai Pyaar Ki Khushboo Shayad
Mere Haathon Ki Lakeeron Mai hai Tu Shayad
Apna muqaddar bana meri taqdeer na badal
Main tufano se lad jaounga mere sath to chal

Mujhse Kehtin Hain Ye Khamosh Nigahen Teri
Meri Parvaaz Se Oonchi Hain Panahen Teri
Teri ankhon main nami hai bus meri khatir
Main har saans leta hu bus teri khatir
Na kar zamane ki parwah ae jaan-e-gazal
Main tufano se lad jaounga mere sath to chal

Aaj Sard Hawa ka Raqs Bhi Hai

Aaj phool bhi nikhray nikhray hain

Aaj un main tumhara aks bhi hai

Aaj baadal kaalay gehray hain

Aaj chand pay laakhon pehray hain

kuch tukray tumhari yadon kay

Bari dair say dil main thehray hain

Aaj yaadain uljhi uljhi hain

Aaj taar yeh sub suljhay hain

Aaj yaad bohut tum ayay ho

Aaj yaad bohut tum ayay ho..!!

Main Tumhari Sabse Zyada.

Pasandida Kitab Ki Tarah Hoon.

Jo Neend Mein Bhi.

Tumhare Seene Mein Khul Kar Rahti Hai.

Tum Mujhe PaDte Ho.

Lafz-Lafz Samajhte Ho.

Sparsh Karte Ho.

Main Aur Bhi Gahre Utar Jati Hoon.

Tumhare Ghar Ke.

Kone Kone Mein Dikh Jati Hoon.

Wahin-Wahin Jahan Jahan.

Tum Mujhe Dhundte Rahe.

Fir Achanak Kyun……
?
Seene Mein Rakhi Kitab Ko.

DheroN Kitab Ke Beech Rakh Diya.

Ek Baar Bhi Nahi Chaha,

Kitab Par Jami Dhool Ko,

Hata DooN,

Use Usi Jagah (SEENE Mein) Rakh DooN.

ThoDa PaD LooN.

Aur Kah DooN.

Tum Hi Meri Pasandida Kitab Ho.!.!.!.!.!.!

ab tum aagosh-e-tasavvur mein bhi aaya na karo
chhoot jaane do jo daaman-e-wafa chhoot gaya
kyun ye lagzeeda kharaami ye pashemaa’n nazri
tumne toda nahi’n rishta-e-dil toot gaya

ab tum aagosh-e-tasavvur mein bhi aaya na karo
meri aanho.n se ye rukhsaar na kumhla jaayein
dhoondhti hogi tumhein ras mein nahaai huee raat
jaao kaliyaa’n na kahee’n sej ki murjha jaayein

ab tum aagosh-e-tasavvur mein bhi aaya na karo
main is ujde hue pehlu mein bitha loon na kahee’n
lab-e-sheeree’n ka namak aariz-e-namakee’n ki mithaas
apne tarse hue hontho’n mein chura loon na kahee’n.

Poet: Kaifi Azmi

main kehta hon ab kisi ki kalai pe yeh rang acha nahi lagta.

Woh kehti hai k kia ab bhi kisi k anchal ko aakash likhtay ho?

main kehta hon ab kisi kay aanchal main itni wosaat kahan hai..

Woh kehti hai k kia mere baad kisi larki se muhabbat howi hai tumhai?

main kehta hon, muhabbat sirf larki per mushtamil nahi hoti.

Woh kehti hai k janan! lehjay main bohat udaasiyat si hai?

main kehta hon k titliyon ne bhi mairay dukh ko mehsoos kiya hai.

Woh kehti hai k kia ab bhi mujhay bewafa k naam say yaad kartay ho?

main kehta hon k mairay nisaab main yeh lafz shamil hi nahi.

Woh kehti hai k kabhi mairay zikar per ro bhi laitay ho gay?

main kehta hon k mairi ankhon ko har waqt ki phoowar achi lagti hai.

Woh kehti hai k tumhari baaton main itni gehrai q hai?

main kehta hon k teri judai k baad mujh ko yeh aizaaz mila haI…

maine maana ki tum ek paikar-e-ranaai ho
chaman-e-dehar mein ru-e-chaman aaraai ho
talat-e-mehar ho, firdaus ki barnaai ho
bint-e-mehtaab ho, gardu’n se utar aayee ho

mujhse milne mein ab andesha-e-ruswaai hai
maine khud apne kiye ki ye sazaa paaee hai

khaak mein aah milaaee hai jawaani maine
shola-zaaro’n mein jalaai hai jawaani maine
shehar-e-khoobaa’n mein ganwaai hai jawaani maine
khwaab-gaaho’n mein ganwaai hai jawaani maine

husn ne jab bhi inaayat ki nazar daali hai
mere paimaan-e-mohabbat ne sipar daali hai

unn dino’n mujh pe qayaamat ka junoo’n taari tha
sar pe sarshari-o-ishrat ka junoo’n taari tha
maah-paaro’n se mohabbat ka junoo’n taari tha
sheharyaaro’n se raqaabat ka junoo’n taari tha

ek bistar-e-makhmal-o-sanjaab thi duniya meri
ek rangeen-o-hansi khwaab thi duniya meri

kya sunogi meri majrooh jawaani ki pukaar
meri fariyaad-e-jigardoz mera naala-e-zaar
shiddat-e-qarb mein doobi huee meri guftaar
main ke khud apne mazaak-e-tarab aagee’n ka shikaar

wo gudaaz-e-dil-e-marhoom kahaan se laau’n
ab main wo jazba-e-masoom kahaan se laau’n.

Poet: Majaz Lakhnawi

phir wo aahista-aahista chaaro’n taraf dekhta
mujh se kehne laga

ab bisaat-e-mohabbat lapeto
jahaa’n se bhi mil jaaye daulat sameto
garz kuch to tehzeeb seekho.

Poet: AHMED NADEEM QASMI

bazahir aam lehjay main

kaha tha main ne jab us se

“badal lo raasta apna

juda rahain yaheen karlo

hamaray chahnay na chahnay se

kuch nahi hota

ye hi sach hai ke hum do mukhtalif

raston ke raahi hai

to phir kion dil ki manain hum

shuru main manti hoon main

azziyat dil ko pohanchay gi

magar phir waqt guzray ga

sabhi zakhmon ko bhar de ga”

meray is aam se lehjay pe wo

ik pal ko chonka tha

meri aankhon main aankhain daal kar

hairat se poocha tha

“ye sab jo keh rahi ho khud ko ye samjha bhi pao gi?”

bohat hi jee karda kar ke

main us dam muskuraii thi

bohat khud pe jabar kar ke

main us se keh ye payi thi

“meri tum fikr rehnay do

sambhal jaoon gi main khud hi

sabhi zakhmon ko sii loon gi

bhula kar sari batoon ko

akaili bhi main jee loon gi”

buhat hi be yaqeen aakhoon se

us ne mujh ko dekha aur

Bina ik lafz bolay wo gaya or phir nahi aaya

aur ab tark_e_taalluq ko

agarche umar beeti hai

magar is dil pe us ki zaat ka

jo naqsh qaaim tha

kabhi dhundla nahi hota

mujhay mehsoos hota hai

ke jaisay meray kanoon main

wo apni bolti aankhoon se

sargoshi si karta hai

“WO SAB JO KEH RAHI THEEN

KHUD KO WO SAMJHA BHI PAI HO?”