E-Entertainment » urdu ghazal

Urdu Poetry: Shaayad Aa Jayega Saaqi Ko Taras Ab Ke Baras

NaQonianz — Mon, 14 Jun 2010 06:55:01 +0000

Shaayad Aa Jayega Saaqi Ko Taras Ab Ke Baras.
Mil Na Paya Hai Un Aankhon Ka Bhi Ras Ab Ke Baras.

Aisi Chhayi Thi Kahan Gham Ki Ghatayein Pahele.
Haan Mere Deedar-E Tar Khoob Baras, Ab Ke Baras.

Uff Wo Un Mad Bhari Aankhon Ke Chhalakte Huye Jaam.
Badh Gayi Aur Bhi Peene Ki Lalak Ab Ke Basar.

Pahele Ye Kab Tha Ke Wo Mere Hain Main Unka Hoon.
Unki Yaadon Ne Sataaya Hai To Bas Ab Ke Baras.

Urdu Poetry: Tere Jamal Ki Tafseer Kar Raha HoOn Main

NaQonianz — Tue, 01 Jun 2010 10:32:38 +0000

Tere Jamal Ki Tafseer Kar Raha HoOn Main.
Tasworaat Ko Tasweer Kar Raha HoOn Main.

Jo KHWAB dekha tha main Ne
MujhE Wo Yaad NahiN.
Bayan KHWAB Ki Tabeer Kar Raha HoOn Main.

Ye KAm NahiN Hai K Munsif HoOn Main Bus Aaj Ke Din.
Abhi To Faisla E Tehreer Kar Raha Hoon main.

Tareeqa Aisa Hi Hota Hai MAst Logon Ka.
Shumar Halqa Zanjeer Kar Raha HoOn Main.

Bana Raha HoOn Parindon K GhonslE SAHIL
Har Ek TinkE Ko Shehteer Kar Raha HoOn Main

Urdu Poetry: Dard badhkar fugaa’n na ho jaaye By Jigar Moradabadi Sung By Chitra Singh

NaQonianz — Tue, 01 Jun 2010 10:27:00 +0000

Dard badhkar fugaa’n na ho jaaye
ye zamee’n aasmaa’n na ho jaaye

dil mein dooba hua jo nashtar hai
mere dil ki zubaa’n na ho jaaye

dil ko le leejiye jo lena hai
phir ye sauda giraa’n na ho jaaye

aah keeje magar lateef-tareen
lab tak aakar dhuaa’n na ho jaaye.

Poet: Jigar Moradabadi

Urdu Poetry: Har Gosha Gulistaan Tha Kal Raat Jahan Main Tha

NaQonianz — Wed, 19 May 2010 07:26:29 +0000

Har Gosha Gulistaan Tha Kal Raat Jahan Main Tha.
Ek Jashn-E BahaaraN Tha Kal Raat Jahan Main Tha.

Naghame The Hawaon Mein Jadoo Tha Fazaon Mein.
Har Saans GazalfaaN Tha Kal Raat Jahan Main Tha.

Dareeya-E Mahobbat Mein Qashti Thi Jawaani Ki.
Jazbaat Ka Tufaan Tha Kal Raat Jahan Main Tha.

Maahtaab Tha Bahon Mein Jalwe The Nigaahon Mein.
Har Simt Charaaga Tha Kal Raat Jahan Main Tha

Urdu Poetry: Main to aawara shaayar hoon meri kyaa vaqa’at By Ahmed Faraz

NaQonianz — Mon, 12 Apr 2010 13:55:17 +0000

Main to aawara shaayar hoon meri kyaa vaqa’at
ek do geet pareshan se gaa leta hoon

gahe-gahe kisi naakaam sharaabi ki tarah
ek do zehar ke saagar bhi chadha leta hoon

tu ke ek waadi-e-gulrang ki shehzaadi hai
ek bekaar se insaan ke liye vaqf na ho

tere khwaabo’n ke jazeero’n mein badi raunaq hai
ek anjaan se toofaan ke liye vaqf na ho.

Poet: Ahmed Faraz

Urdu Poetry: Dil ki dhadhkan hai,khyaalon mein mere rehta hai

NaQonianz — Wed, 03 Mar 2010 06:51:27 +0000

Dil ki dhadhkan hai,khyaalon mein mere rehta hai.
Kaun hai woh, jo swaalon mein mere rehta hai.

Jis ka dekha na khwaab us se wafa karta hoon.
Dil ke aaine mein main us se mila karta hoon.

Main nahin jaanta yeh kis ki aas hai mujh ko.
Kis ka armaan iraadon mein mere rehta hai.

Khwaab hai woh mera, yakin dilaaon kaise.
Apni hasrat ko main, takdeer banaaon kaise.

Mujh ko milta hai sakoon, us ka tasavur kar ke.
Woh ishara, jo isharon mein mere rehta hai.

Kis ki tareef mein likhi yeh ghazal kya janu.
Kis ko kehta hoon mohabbat ka kamal kya janu.

Main to bas aik hi umeed mein rehta hoon sadaa.
Us ko dekhoon jo nazron mein mere rehta hai.

Urdu Poetry: Duniya Mein Hoon Duniya Ka Talab Gaar Nahin Hoon

NaQonianz — Thu, 18 Feb 2010 14:06:09 +0000

Duniya Mein Hoon Duniya Ka Talab Gaar Nahin Hoon.
Bazaar Se Guzara Hoon Kharidaar Nahi Hoon.

Zinda Hoon Magar Zeest Ki Lazzat Nahin Baaqi..
Har Chand Ki Hoon Hosh Mein Hoshiyaar Nahi Hoon.

Afsuda Hoon Ibrat Se Dawaa Ki Nahin Haajat.
Gham Ka Mujhe Ye Zauf Hai Bimaar Nahin Hoon.

Wo Gul Hoon KhizaaN Ne Jise Barbaad Kiya Hai.
Uljhoon Kisi Daaman Se Wo Khaar Nahin Hoon.

Yaa Rab ! Mujhe Mahefooz Rakh Us But Ke Sitam Se.
Main Uski Inaayat Ka Talab Gaar Nahin Hoon.

Urdu Poetry: Mohabbat Mujhe Thi Usse Itni Sanam

NaQonianz — Thu, 18 Feb 2010 13:56:01 +0000

Mohabbat Mujhe Thi Usse Itni Sanam,
Yaadon Mein Dil Tadapta Raha,
Maut Bhi Meri Chahat Ko Rok Na Saki,
Kabar Mein Bhi Dil Dhad-kta Raha.

Mere Is Virane Dil Meiin Chahat Ka Phool Hai Khila,
Mere Nashib Se Mujhe Aapka Pyaar Mila.

Koi Sham Aati Hai Tumhari Yaad Lekar,
Koi Sham Jati Hai Tumhari Yaad Lekar,
Mujhe Toh Us Sham Ka Intejar Hai,
Jo Aaye Tumhe Saath Lekar.

Saath Chhor Ke Kabhi Humse Juda Mat Hona,
Vafa Chahiye Tumse Bewafa Mat Hona,
Roothe Chaahe Sara Zamana Humse Magar,
Tum Kabhi Humse Khafa Mat Hona

Urdu Poetry: Vo he gardishain vo he paich-o-kham teray baad bhi

NaQonianz — Thu, 18 Feb 2010 13:52:11 +0000

Vo he gardishain vo he paich-o-kham teray baad bhi
Vo he hauslay meray dam ba-dam teray baad bhi

Teray saath bhi teri her jafa mujhay moetabar
Teray saaray gham mujhay muhtaram teray baad bhi

Teray gham se hai meri her khushi mein waqaar sa
Meray haal pe hain teray karam teray baad bhi

Baray muztarib meray raastay teray bina
Baray pur-sukoon meray qadam teray baad bhi

Teray saath thee meri her khushi teri muntazir
Teri muntazir meri chashm-e-num teray baad bhi

Teray saath thee meri dastaras mein jo raushni
Faqat aik pal kabhi subha-dum teray baad bhi

Tujhay jaan-e-gham jo kaha kabhi to ghalat kaha
Meri zindagi ke javaa.n hain gham teray baad bhi

Tujhay paas-e-ehd-e-vafa raha mere saath kab
Mujhay jaan se barh ker teray bharam teray baad bhi

Meray baad kitnay he roop tu nay badal liye
Main vahi hoon ab bhi teri qasam teray baad bhi

Tu kisi ke qalb-e-aarzu mein to dhal gayi
Main na ho saka kabhi khud mein gum teray baad bhi

Teri aahaton ka gudaaz tha mera humsafar
Yehi ik gumaan mera hum-qadam teray baad bhi

Tu chali gayi sabhi qehqahay samait ker
Meray paas hai mera zarf-e-gham teray baad bhi

Urdu Poetry: Zeest aazaar huee jaati hai By Ahmed Nadeem Qasmi

NaQonianz — Wed, 03 Feb 2010 09:11:59 +0000

Zeest aazaar huee jaati hai
saans talwaar huee jaati hai

jism bekaar hua jaata hai
rooh bedaar huee jaati hai

kaan se dil mein utarti nahi’n baat
aur guftaar huee jaati hai

dhal ke nikli hai haqeeqat jab se
kuch pur-asraar huee jaati hai

ab to har zakhm ki munhband kali
lab-e-izhaar huee jaati hai

phool hi phool hain har simt ‘Nadeem’
raah dushvaar huee jaati hai.

Poet: Ahmed Nadeem Qasmi