E-Entertainment » urdu kalaam

Urdu Ghazal: Fursat E Kaar Faqat Chaar Ghadi Hai YaaroN

NaQonianz — Tue, 01 Jun 2010 10:45:10 +0000

Fursat E Kaar Faqat Chaar Ghadi Hai YaaroN.
Ye Na Socho Ke Abhi Umr Parhi Hai YaaroN.

Apne Taareeq Makano Se Bahar Jhanko.
Zindagi Shamma Liye Dar Pe Khadi Hai YaroN.

Unke Bin Jee Ke Dikha Denge Chalo Yun Hi Sahi.
Baat Itni See Hai Ke Zid Aan Parhi Hai YaaroN.

Fasla Chand Qadam Ka Hai Manaa Lein Chal Kar.
Subah Aayi Hai Magar Door Khadi Hai YaaroN.

Jab Bhi Chahenge Zamaane Ko Badal Dalenge.
Sirf Kahene Ke Liye Baat Badi Hai YaaroN

Urdu Poetry: Haqeeqat jan kar aisi himaqat kon karta hai ?

NaQonianz — Thu, 18 Feb 2010 14:08:00 +0000

Haqeeqat jan kar aisi himaqat kon karta hai ?

Bhala be faiz logon se mohabbat kon karta hai ?

Batao jis tijarat mein khasara hi khasara ho …….

Bina sochay khasaray ki tijarat kon karta hai ?

Hamein hi ghalat fehmi thi,kisi ke wastay warna,

Zamanay ke riwajon se baghawat kon karta hai ?

Khuda ne sabar karne ki mujhe toufeeq bakhshi hai ,

Aray G bhar ke tarrpao shikayat kon karta hai ?

Zamane ki nigahon se dilon ke bhaid makhfi hain ,

Khaloos-e-dil se RAB jane ibaadat kon karta hai ?

Urdu Poetry: Aadat hi bana lee hai, is sheher k logon ne

NaQonianz — Thu, 18 Feb 2010 14:03:38 +0000

Aadat hi bana lee hai, is sheher k logon ne,
andaaz badal lena
aawaaz badal lena
dunya ki mohabbat main
atwaar badal lena
mausam jo naya aaye
raftaar badal lena
ehbaab badal lena
aadat hi bana lee hai is sheher k logon ne
rastay main agar milna
nazron ko jhuka lena
aawaaz agar do to
katra k nikal jaana
her ik say judaa rehna
her ik say khafaa rehna..
her ik ka gila kerna
jaatay huye raahi ko
manzil ka pata day ker
rastay may rula dena

aadat hee bana lee hay…!!

Urdu Poetry: Aap ki yaad aati rahi raat bhar By Makhdoom Mohiuddin

NaQonianz — Tue, 19 Jan 2010 10:40:57 +0000

Aap ki yaad aati rahi raat bhar
chashm-e-nam muskuraati rahi raat bhar

raat bhar dard ki shamma jalti rahii
gham ki lau thartharaati rahi raat bhar

baansuri ki sureeli suhaani sada
yaad ban-ban ke aati rahi raat bhar

yaad ke chaand dil mein utarte rahe
chaandni jagmagaati rahi raat bhar

koi deewaana galiyo’n mein phirta raha
koi aawaaz aati rahi raat bhar.

Poet: Makhdoom Mohiuddin

Urdu Poetry: Mohabbat karne waale kam na honge By Hafeez Hoshiarpuri

NaQonianz — Tue, 19 Jan 2010 10:38:33 +0000

Mohabbat karne waale kam na honge
teri mehfil mein lekin hum na honge

zamaane bhar ke gham ya ek tera gham
ye gham hoga to kitne gham na honge

dilo’n ki uljhanein badhti rahengi
agar kuch mashvare baaham na honge

agar tu ittefaaqan mil bhi jaaye
teri furqat ke sadme kam na honge

‘Hafeez’ unn se main jitna badgumaa’n hoon
wo mujh se iss qadar barham na honge.

Poet: Hafeez Hoshiarpuri

Urdu Poetry: Misl-e-khayaal aaye thhey aakar chale gaye By Fani Badayuni

NaQonianz — Thu, 07 Jan 2010 11:09:55 +0000

Misl-e-khayaal aaye thhey aakar chale gaye
duniya hamaari gham ki basa kar chale gaye

phoolo’n ki aas dil se lagaaye hue thhey hum
kaante wo raaste mein bichha kar chale gaye

aayee na thi hamaare chaman mein bahaar abhi
wo khwaab aashiyaa’n mein laga kar chale gaye

bhoole se bhi kabhi na dil hum bhula sake
dil se hamein wo apne bhula kar chale gaye.

Poet: FANI BADAYUNI

Urdu Poetry: Raat bhar deeda-e-namnaak mein lehraate rahe By Makhdoom Mohiuddin

NaQonianz — Thu, 07 Jan 2010 11:04:17 +0000

Raat bhar deeda-e-namnaak mein lehraate rahe
saans ki tarah se aap aate rahe, jaate rahe

khush thhey hum apni tamannaao’n ka khwaab aayega
apna aramaan bar-afganda naqaab aayega

nazarein neechi kiye sharmaaye hue aayega
kaakulein chehre pe bikharaaye hue aayega

aa gaee thi dil-e-muztar mein shakebaai si
baj rahi thi mere gham-khaane mein shehnaai si

shab ke jaage hue taaro’n ko bhi neend aane lagi
aap ke aane ki ek aas thi ab jaane lagi

subah ne sej se uthate hue li angadaee
o saba tu bhi jo aaee to akele aaee .

Poet: MAKHDOOM MOHIUDDIN

Urdu Poetry: Tabiyat in dino begana-e-gham hoti jaati hai By Jiger Muradabadi

NaQonianz — Wed, 06 Jan 2010 11:21:18 +0000

Tabiyat in dino begana-e-gham hoti jaati hai
mere hisse ki goya har khushi kam hoti jaati hai

qayaamat kya! ye ae husn-e-do-aalam hoti jaati hai
ke mehfil to wahi hai, dilkashi kam hoti jaati hai

wahi mai-khaana-o-sahba, wahi saagar, wahi sheesha
magar aawaaz-e-nusha’anosh maddham hoti jaati hai

wahi hai shaahid-o-saaqi magar dil bujhta jaata hai
wahii hai shamma lekin raushni kam hoti jaati hai

wahi hai zindagi lekin â€œJigarâ€ ye haal hai apna
ke jaise zindagi se zindagi kam hoti jaati hai.

Poet: JIGAR MORADABADI

Urdu Poetry: kabhi akele main milkar jhanjhod doonga usse By Rahat Indori

NaQonianz — Wed, 06 Jan 2010 11:19:15 +0000

kabhi akele main milkar jhanjhod doonga usse
jahan jahan se wo toota hai jod doonga usse

mujhe chod gaya ye kamaal hai uska
irada maine kiya tha k chod doonga usse

paseene baant-ta phirta hai har taraf sooraj
kabhi jo haath laga to nichod doonga usse

maza chakha k hi maana hoon main bhi duniya ko
samjh rahi thi k aise hi chod doonga usse

bacha k rakhta hai khud ko wo mujhse shseesha badan
usse ye dar hai k tod phod doonga usse

Poet: Rahat Indori

Urdu Poetry: Ek taraf shola-e-guftar chalo dekhe ge

NaQonianz — Wed, 06 Jan 2010 11:15:16 +0000

Ek taraf shola-e-guftar chalo dekhe ge
Ek taraf jalwa-e-kirdar chalo dekhe ge

Kyon hai wo nakhus wa baizar chalo dekhe ge
Hum hai darasal khatakar chalo dekhe ge

Kufr-w-alhad ki yalgar chalo dekhe ge
Masjide hogayi masmar chalo dekhe ge

Kis ne gardab se sahil pe lagai kashti
Kis ke hato main hai patwar chalo dekhe ge

Qafile walo ke pairo se tapakta hai lahu
Khunchka wadi-e-pur khar chalo dekhe ge

Jaan de kar rah-e-ulfat main sarfaraz huae
Kin ke sar pohanche sar-e-dar chalo dekhe ge

Waqt ke hitlar w changaez w halako aaye
Garq-e-khun qabul-w-qandhar chalo dekhe ge

Hum pe ilzam ke talwar se faila ISLAM
Hath main kis ke hai talwar chalo dekhe ge

Haq-w-insaf ki aawaz daba dete hai
Tv channel ho ke akhbar chalo dekhe ge

Qafile walo ko gumrah kiya ‘lut liya
Rahzan ban gaye salar chalo dekhe ge

Phir adalat se bari hogaye sare Qatil
Kaif’ hai LASHOO ke ambar chalo dekhe ge