E-Entertainment » urdu shairi

Urdu Poetry: IK DEEPAK AAS KA HAMNE BHI JALYAA THAA

NaQonianz — Mon, 14 Jun 2010 07:14:06 +0000

IK DEEPAK AAS KA HAMNE BHI JALYAA THAA
KHUDA KE AAGE DUA KA HATH FAILAYA THAA

USNE BHI SUN KE ANSUNA SAA KER DIYA OR
BJAYE PHOOLO KE DAMAN KANTO SE BHAR DIYA

HAMNE TO USKO APNA REHNUMA BNAYA THAA
APNA YE HAATH USKE HAATHO ME THMAAYA THAA

KEHTE HAIN WO KABHI HAATH NAHI CHHODTA HAI
TUTI HUI TAQDEERON KO WO HI FIR SE JODTA HAI

HAMNE BHI USKO APNAA DARDE-HAAL BTAYA THAA
KAYA GUZRI HAI HAMPE RO RO KE SUNAAYA THAA

SHAYAD HMARI IBAADTO ME KAMI REH GAYI HOGI
ISLIYE USNE BHI APNAA HAATH NAHI UTHAYA THAA

Urdu Ghazal: Fursat E Kaar Faqat Chaar Ghadi Hai YaaroN

NaQonianz — Tue, 01 Jun 2010 10:45:10 +0000

Fursat E Kaar Faqat Chaar Ghadi Hai YaaroN.
Ye Na Socho Ke Abhi Umr Parhi Hai YaaroN.

Apne Taareeq Makano Se Bahar Jhanko.
Zindagi Shamma Liye Dar Pe Khadi Hai YaroN.

Unke Bin Jee Ke Dikha Denge Chalo Yun Hi Sahi.
Baat Itni See Hai Ke Zid Aan Parhi Hai YaaroN.

Fasla Chand Qadam Ka Hai Manaa Lein Chal Kar.
Subah Aayi Hai Magar Door Khadi Hai YaaroN.

Jab Bhi Chahenge Zamaane Ko Badal Dalenge.
Sirf Kahene Ke Liye Baat Badi Hai YaaroN

Urdu Poetry: Kabhi Aansoo Kabhi Khushboo Kabhi Naghma Bankar

NaQonianz — Tue, 01 Jun 2010 10:27:59 +0000

Kabhi Aansoo Kabhi Khushboo Kabhi Naghma Bankar.
Hum Se Her shaam Mili Hai Tera Chehra Bankar.

Chand Nikla Hai Teri Aankh K Ansoo Ki Tarah
Phool Mehke Hain Teri Zulf Ka Saya Bankar.

Meri Jaagi Huyi Raaton Ko Usi Ki Hai Talash
So Raha Hai Meri Ankhon Main Jo Sapna Bankar.

Dil Ke Kaghaz Par Utarta Hai Jo Sheron Ki Tarah
Meray Hontoon Pe Machalta Hai Jo Naghma Bankar.

Raat Bhi aaye To Bujhti Nahin Chehre Ki Chamak
Rooh Main Phail Gaya Hai Woh Ujala Bankar.

Mera Kya Haal Hai Yeh Aakay Kabhi dekh To Le
Jee Rahi Hoon Teri Bhoola Hua Wada Bankar.

Dhoop Main Kho Gaya Woh Haath Chhura Kar
Ghar Se Jo Saath Chala Tha Mera Saya Bankar

Urdu Nazam: Such kahu mujh ko ye unwan bura lagta hai By Manzar Bhopali

NaQonianz — Wed, 19 May 2010 07:51:07 +0000

Such kahu mujh ko ye anwan bura lagta hai
zulm sehta hua insan bura lagta hai
kis qadar hogayi masruf ye duniya apni
ek din tehre to mehman bura lagta hai
un ki khidmat to bahut dur bahu baito ko
budhe maa baap ka farman bura lagta hai

mere allah meri naslo ko zillat se nikal
haath pehlaye musalman bura lagta hai

guzur chuka hai zamana wo inkisari ka
ke ab mizaj banalijiye shikari ka
hum ahterame mohabbat main sar jhukate hai
galat nikal na mafhum khakshari ka
wo badshah bana baithe hai muqaddar se
magar mijaz hai ab tak wahi bhikari ka

Poet: Manzar Bhopali

Urdu Ghazal: Deewana banana hai to deewana bana de By Behzad Lucknawi

NaQonianz — Wed, 19 May 2010 07:40:33 +0000

Deewana banana hai to deewana bana de,
Warna kahin taqdeer tamasha na bana de.

Ae dekhane waalon mujhe hans hans k na dekho,
Tum ko bhi Muhabbat kahin mujh sa na bana de.

Main dhoond raha hoon meri wo shamma kahan hai,
Jo bazm ki har cheez ko parwana bana de!

Aakhir koi soorat bhi to ho khaanaa-e dil ki,
Kaaba nahin banta hai to but-khana bana de.

Behzad’ her ik jaam pe ik sajdaa-e masti,
Her zarre ko sang-e dar-e jananaa bana de

Poet: Behzad Lucknawi

Urdu Ghazal: Dil ko sehra keejiye, aankho’n ko dariya keejiye By Noon Meem Rashid

NaQonianz — Wed, 19 May 2010 07:32:09 +0000

Dil ko sehra keejiye, aankho’n ko dariya keejiye
iss tarha bhi ek din apna tamaasha keejiye

mauj-e-sarsar ka koi jhonka udaa le jaaega
rett ki deewar par kab tak bharosa keejiye

ek zara si baat se sheeshe mein aa jaata hai baal
baat mein talkhi sahi, uncha na bola keejiye

waqt ki reg-e-rawaa’n se naqsh saare mitt gae
apne kadmo’n ke nisha’n mudd kar bhi dekha keejiye

kuch tumhaare zakhm hain, kuch apni mehroomi ke zakhm
kis ko pinhaa’n keejiye, kis ko haveeda keejiye

zindaqi kab tak hareef-e-shorash-e-dariya rahe
iss safeene ko kisi din garq-e-dariya keejiye.

Poet: Noon Meem Rashid

Urdu Poetry: Yaad kerna her ghari os yaar ka By Wali Dakni

NaQonianz — Wed, 10 Mar 2010 08:03:04 +0000

Yaad kerna her ghari os yaar ka
Hai wazeefa mujh dil-e-bimar ka

Aarzo-e-chashma-e-koser nahi
Tishna lab hoon sharbat-e-deedar ka

Aaqbat kya howey ga? maloom nahi
Dil howa hai mubtala deedar ka

Kya kahey tareef dil hai be nazeer
Herf herf os makhzan-e-israr ka

Ger howa hai taalib-e-aazadgi
Banda mat ho sitjah-e-zanar ka

Meend-e-gul manzil-e-shabnam howi
Dekh rutba deeda-e-bedaar ka

Aey wali hona sari jin per nisaar
Mud’aa hai chashm-e-goher baar ka

Poet: Wali Dakni

Yaad Kerna Her Ghari Os Yaar Ka

Urdu Poetry: Khush hoon ki mera husn-e-talab kaam to aaya By Shakeel Bandayuni

NaQonianz — Sun, 07 Mar 2010 10:24:01 +0000

Khush hoon ki mera husn-e-talab kaam to aaya
khaali hi sahi meri taraf jaam to aaya

kaafi hai mere dil ki tasalli ko yahi baat
aap aa na sake aap ka paigaam to aaya

apno ne nazar pheri to dil ne to diya saath
duniyaa mein koi dost mere kaam to aaya

wo subah ka ehasaas ho ya meri kashish ho
dooba hua khursheed sar-e-baam to aaya

log unn se ye kehte hain ki kitne hain “Shakeel” aap
iss husn ke sadaqe mein mera naam to aaya.

Poet: Shakeel Bandayuni

Urdu Poetry: Deewan-e ghazal jis ki Muhabbat main likha tha

NaQonianz — Wed, 03 Mar 2010 06:56:08 +0000

Deewan-e ghazal jis ki Muhabbat main likha tha,
Wo shakhs kisi aur ki kismat main likhaa thaa.

Wo shair kabhi us ki nazar se nahin guzra,
Jo doob k jazbaat ki shidat main likha tha.

Is duniya main to aise koi aasaar nahin the,
Shayad tera milna bhi Qayamat main likha tha!

Tu kese badal sakta hai Khud ko mere liye,
Harjaayi hi rehna teri fitrat main likha tha..

Urdu Poetry: Woh kehti hai k kia ab bhi kisi k liye laal hari chooriyan khareedtay ho?

NaQonianz — Wed, 03 Mar 2010 06:54:32 +0000

Woh kehti hai k kia ab bhi kisi k liye laal hari chooriyan khareedtay ho???
main kehta hon ab kisi ki kalai pe yeh rang acha nahi lagta…

Woh kehti hai k kia ab bhi kisi k anchal ko aakash likhtay ho???
main kehta hon ab kisi kay aanchal main itni wosaat kahan hai…

Woh kehti hai k kia mere baad kisi larki se muhabbat howi hai tumhai???
main kehta hon, muhabbat sirf larki per mushtamil nahi hoti…

Woh kehti hai k janan! lehjay main bohat udaasiyat si hai???
main kehta hon k titliyon ne bhi mairay dukh ko mehsoos kiya hai…

Woh kehti hai k kia ab bhi mujhay bewafa k naam say yaad kartay ho???
main kehta hon k mairay nisaab main yeh lafz shamil hi nahi…

Woh kehti hai k kabhi mairay zikar per ro bhi laitay ho gay???
main kehta hon k mairi ankhon ko har waqt ki phoowar achi lagti hai…

Woh kehti hai k tumhari baaton main itni gehrai q hai???
main kehta hon k teri judai k baad mujh ko yeh aizaaz mila haI…