E-Entertainment » urdu shairy

Urdu Poetry: Badalate Waqt kaa ik sil_silaa saa lagataa hai

NaQonianz — Thu, 01 Jul 2010 07:37:14 +0000

Badalate Waqt kaa ik sil_silaa saa lagataa hai
ke jab bhii dekho use duusaraa-saa lagataa hai

tumhaaraa husn kisii aadamii kaa husn nahi.
kisii buzurg kii sachchii duaa saa lagataa hai

terii nigaah ko tamiiz rang-o-noor kahaan
mujhe to Khoon bhii rang-e-hinaa saa lagataa hai

damaaG-o-dil hun agar mutma_ii.n to chhaao.n hai dhoop
thapea loo kaa bhii ThanDii havaa saa lagataa hai

vo chhat pe aa gayaa betaab ho ke aaKhir
Khudaa bhii aaj shariik-e-duaa saa lagataa hai

tumhaaraa haath jo aayaa hai haath me mere
ab aitabaar kaa mausam haraa-saa lagataa hai

nikal ke dekho kabhii nafaraton ke pinjare se
tamaam shahar kaa “Manzar” khulaa saa lagataa hai.

Urdu Poetry: IK DEEPAK AAS KA HAMNE BHI JALYAA THAA

NaQonianz — Mon, 14 Jun 2010 07:14:06 +0000

IK DEEPAK AAS KA HAMNE BHI JALYAA THAA
KHUDA KE AAGE DUA KA HATH FAILAYA THAA

USNE BHI SUN KE ANSUNA SAA KER DIYA OR
BJAYE PHOOLO KE DAMAN KANTO SE BHAR DIYA

HAMNE TO USKO APNA REHNUMA BNAYA THAA
APNA YE HAATH USKE HAATHO ME THMAAYA THAA

KEHTE HAIN WO KABHI HAATH NAHI CHHODTA HAI
TUTI HUI TAQDEERON KO WO HI FIR SE JODTA HAI

HAMNE BHI USKO APNAA DARDE-HAAL BTAYA THAA
KAYA GUZRI HAI HAMPE RO RO KE SUNAAYA THAA

SHAYAD HMARI IBAADTO ME KAMI REH GAYI HOGI
ISLIYE USNE BHI APNAA HAATH NAHI UTHAYA THAA

Urdu Poem: Aaj yaad bohut tum ayay ho

NaQonianz — Tue, 08 Jun 2010 11:43:13 +0000

Aaj Halki Halki Si Barish Hai

Aaj Sard Hawa ka Raqs Bhi Hai

Aaj phool bhi nikhray nikhray hain

Aaj un main tumhara aks bhi hai

Aaj baadal kaalay gehray hain

Aaj chand pay laakhon pehray hain

kuch tukray tumhari yadon kay

Bari dair say dil main thehray hain

Aaj yaadain uljhi uljhi hain

Aaj taar yeh sub suljhay hain

Aaj yaad bohut tum ayay ho

Aaj yaad bohut tum ayay ho..!!

Urdu Poetry: Taaqo mein sajaya jaata hoon, aakhon se lagaaya jaata hoon

NaQonianz — Tue, 01 Jun 2010 10:30:00 +0000

Taaqo mein sajaya jaata hoon, aakhon se lagaaya jaata hoon
taweez banaya jaata hoon, dho dho ke pilaaya jaata hoon

juzdaan hareer-o-resham ke aur phool sitaare chaandi ke
phir itr ki baarish hoti hai, khusbu mein basaaya jaata hoon

jiss tarha se tota maina ko kuchh bol sikhaaye jaate hain
iss tarah parhaaya jaata hoon, iss tarah sikhaaya jaata hoon

jab qol-o-qasam lene ke liye takraat ki nobat aati hai
phir meri zaroorat parrti hai, haathon mein uthaaya jaata hoon

dil soz se khaali rehte hain, aankhen hain ke num hoti hi nahin
kehne ko main ek ek jalse mein parh parh ke sunaya jaata hoon

neki pe badi ka galba hai, sachchai se barhkar dhokha hai
ek baat hansaaya jaata hoon, sau baat rulaaya jaata hoon

ye meri aqeedat ke daawe, qanoon pe raazi ghairon ke
yun bhi mujhe ruswa karte hain, aise bhi sataaya jaata hoon

Urdu Poetry: Dard badhkar fugaa’n na ho jaaye By Jigar Moradabadi Sung By Chitra Singh

NaQonianz — Tue, 01 Jun 2010 10:27:00 +0000

Dard badhkar fugaa’n na ho jaaye
ye zamee’n aasmaa’n na ho jaaye

dil mein dooba hua jo nashtar hai
mere dil ki zubaa’n na ho jaaye

dil ko le leejiye jo lena hai
phir ye sauda giraa’n na ho jaaye

aah keeje magar lateef-tareen
lab tak aakar dhuaa’n na ho jaaye.

Poet: Jigar Moradabadi

Urdu Ghazal: Lab Pe Pabandi Nahin, Ehsaas Pe Pahera To Hai

NaQonianz — Wed, 19 May 2010 07:38:29 +0000

Lab Pe Pabandi Nahin, Ehsaas Pe Pahera To Hai.
Phir Bhi Ahl-E Dil Ko Ahwaal-E Bashar Kahena To Hai.

Apni Gairat Bech Dalein, Apna Maslaq (aitebar) Chhod Dein.
Rahnuma’on Mein Bhi Kuch Logon Ko Ye Mansha To Hai.

Hai Jinhein Sabse Zyada Daawa-E Hubb-E Watan.
(Hubb-E Watan = Apne Mulq Se Mohabbat)
Aaj Unhi Ki Wajah Se Hubb-E Watan Ruswa To Hai.

Bujh Rahe Hain Ek Ek Kar Ke AqeedoN Ke Diye.
Is Andhere Ka Bhi Lekin, Saamna Karna To Hai.

Jhooth Kyun Bolein Farogh-E Maslahat Ke Naam Par.
Zindagi Pyaari Magar Humein Marna To Hai….

Urdu Poetry: Har Gosha Gulistaan Tha Kal Raat Jahan Main Tha

NaQonianz — Wed, 19 May 2010 07:26:29 +0000

Har Gosha Gulistaan Tha Kal Raat Jahan Main Tha.
Ek Jashn-E BahaaraN Tha Kal Raat Jahan Main Tha.

Naghame The Hawaon Mein Jadoo Tha Fazaon Mein.
Har Saans GazalfaaN Tha Kal Raat Jahan Main Tha.

Dareeya-E Mahobbat Mein Qashti Thi Jawaani Ki.
Jazbaat Ka Tufaan Tha Kal Raat Jahan Main Tha.

Maahtaab Tha Bahon Mein Jalwe The Nigaahon Mein.
Har Simt Charaaga Tha Kal Raat Jahan Main Tha

Urdu Poetry: Ab tum aagosh-e-tasavvur mein bhi aaya na karo By Kaifi Azmi

NaQonianz — Mon, 12 Apr 2010 13:57:00 +0000

Ab tum aagosh-e-tasavvur mein bhi aaya na karo
mujhse bikhre hue gesu nahi’n dekhe jaate
surkh aankho’n ki qasam kaanpti palako’n ki qasam
thar-tharaate hue aansu nahi’n dekhe jaate

ab tum aagosh-e-tasavvur mein bhi aaya na karo
chhoot jaane do jo daaman-e-wafa chhoot gaya
kyun ye lagzeeda kharaami ye pashemaa’n nazri
tumne toda nahi’n rishta-e-dil toot gaya

ab tum aagosh-e-tasavvur mein bhi aaya na karo
meri aanho.n se ye rukhsaar na kumhla jaayein
dhoondhti hogi tumhein ras mein nahaai huee raat
jaao kaliyaa’n na kahee’n sej ki murjha jaayein

ab tum aagosh-e-tasavvur mein bhi aaya na karo
main is ujde hue pehlu mein bitha loon na kahee’n
lab-e-sheeree’n ka namak aariz-e-namakee’n ki mithaas
apne tarse hue hontho’n mein chura loon na kahee’n.

Poet: Kaifi Azmi

Urdu Poetry: Yaad kerna her ghari os yaar ka By Wali Dakni

NaQonianz — Wed, 10 Mar 2010 08:03:04 +0000

Yaad kerna her ghari os yaar ka
Hai wazeefa mujh dil-e-bimar ka

Aarzo-e-chashma-e-koser nahi
Tishna lab hoon sharbat-e-deedar ka

Aaqbat kya howey ga? maloom nahi
Dil howa hai mubtala deedar ka

Kya kahey tareef dil hai be nazeer
Herf herf os makhzan-e-israr ka

Ger howa hai taalib-e-aazadgi
Banda mat ho sitjah-e-zanar ka

Meend-e-gul manzil-e-shabnam howi
Dekh rutba deeda-e-bedaar ka

Aey wali hona sari jin per nisaar
Mud’aa hai chashm-e-goher baar ka

Poet: Wali Dakni

Yaad Kerna Her Ghari Os Yaar Ka

Urdu Poetry: Khush hoon ki mera husn-e-talab kaam to aaya By Shakeel Bandayuni

NaQonianz — Sun, 07 Mar 2010 10:24:01 +0000

Khush hoon ki mera husn-e-talab kaam to aaya
khaali hi sahi meri taraf jaam to aaya

kaafi hai mere dil ki tasalli ko yahi baat
aap aa na sake aap ka paigaam to aaya

apno ne nazar pheri to dil ne to diya saath
duniyaa mein koi dost mere kaam to aaya

wo subah ka ehasaas ho ya meri kashish ho
dooba hua khursheed sar-e-baam to aaya

log unn se ye kehte hain ki kitne hain “Shakeel” aap
iss husn ke sadaqe mein mera naam to aaya.

Poet: Shakeel Bandayuni