E-Entertainment » urdu shayari

Urdu Ghazal: Tohmat-e-chandd apne zimma dher chaley By Khawaja Meer Dard

BaQir Bukhari — Wed, 21 Jul 2010 10:39:44 +0000

Tohmat-e-chandd apne zimma dher chaley
Jis liye aye thy ham so kar chaley

Zindagi hai ya koi tofaan hai
Ham to is jeeney ke hathoon mar chaley

Kya hamein kaam un gulo’on se aey saba
Aik dam aye idher, o odher chaley

Dosto dekha tamasha yaan ka bass
Tum raho, ab, ham to apne gher chaley

Tohmat-e-chandd apne zimma dher chaley

Urdu Poetry: Badalate Waqt kaa ik sil_silaa saa lagataa hai

BaQir Bukhari — Thu, 01 Jul 2010 07:37:14 +0000

Badalate Waqt kaa ik sil_silaa saa lagataa hai
ke jab bhii dekho use duusaraa-saa lagataa hai

tumhaaraa husn kisii aadamii kaa husn nahi.
kisii buzurg kii sachchii duaa saa lagataa hai

terii nigaah ko tamiiz rang-o-noor kahaan
mujhe to Khoon bhii rang-e-hinaa saa lagataa hai

damaaG-o-dil hun agar mutma_ii.n to chhaao.n hai dhoop
thapea loo kaa bhii ThanDii havaa saa lagataa hai

vo chhat pe aa gayaa betaab ho ke aaKhir
Khudaa bhii aaj shariik-e-duaa saa lagataa hai

tumhaaraa haath jo aayaa hai haath me mere
ab aitabaar kaa mausam haraa-saa lagataa hai

nikal ke dekho kabhii nafaraton ke pinjare se
tamaam shahar kaa “Manzar” khulaa saa lagataa hai.

Urdu Poetry: Shaayad Aa Jayega Saaqi Ko Taras Ab Ke Baras

BaQir Bukhari — Mon, 14 Jun 2010 06:55:01 +0000

Shaayad Aa Jayega Saaqi Ko Taras Ab Ke Baras.
Mil Na Paya Hai Un Aankhon Ka Bhi Ras Ab Ke Baras.

Aisi Chhayi Thi Kahan Gham Ki Ghatayein Pahele.
Haan Mere Deedar-E Tar Khoob Baras, Ab Ke Baras.

Uff Wo Un Mad Bhari Aankhon Ke Chhalakte Huye Jaam.
Badh Gayi Aur Bhi Peene Ki Lalak Ab Ke Basar.

Pahele Ye Kab Tha Ke Wo Mere Hain Main Unka Hoon.
Unki Yaadon Ne Sataaya Hai To Bas Ab Ke Baras.

Urdu Poem: Aaj yaad bohut tum ayay ho

BaQir Bukhari — Tue, 08 Jun 2010 11:43:13 +0000

Aaj Halki Halki Si Barish Hai

Aaj Sard Hawa ka Raqs Bhi Hai

Aaj phool bhi nikhray nikhray hain

Aaj un main tumhara aks bhi hai

Aaj baadal kaalay gehray hain

Aaj chand pay laakhon pehray hain

kuch tukray tumhari yadon kay

Bari dair say dil main thehray hain

Aaj yaadain uljhi uljhi hain

Aaj taar yeh sub suljhay hain

Aaj yaad bohut tum ayay ho

Aaj yaad bohut tum ayay ho..!!

Urdu Poetry: Chalo ye ishq nahi chaahne ki aadat hai

BaQir Bukhari — Tue, 01 Jun 2010 10:47:56 +0000

Chalo ye ishq nahi chaahne ki aadat hai
to kya karein hame ek doosre ki aadat hai

tera naseeb hai ae dil sada ki mehroomi
na wo sakhi na tujhe maangne ki aadat hai

tu apni sheesha-gari ka na kar hunar zyaada
main aaeena hoon, mujhe tootne ki aadat hai

visaal mein bhi wohi ratjage firaaq ke
ke usko neend mujhe ratjage ki aadat hai

Urdu Poetry: Taaqo mein sajaya jaata hoon, aakhon se lagaaya jaata hoon

BaQir Bukhari — Tue, 01 Jun 2010 10:30:00 +0000

Taaqo mein sajaya jaata hoon, aakhon se lagaaya jaata hoon
taweez banaya jaata hoon, dho dho ke pilaaya jaata hoon

juzdaan hareer-o-resham ke aur phool sitaare chaandi ke
phir itr ki baarish hoti hai, khusbu mein basaaya jaata hoon

jiss tarha se tota maina ko kuchh bol sikhaaye jaate hain
iss tarah parhaaya jaata hoon, iss tarah sikhaaya jaata hoon

jab qol-o-qasam lene ke liye takraat ki nobat aati hai
phir meri zaroorat parrti hai, haathon mein uthaaya jaata hoon

dil soz se khaali rehte hain, aankhen hain ke num hoti hi nahin
kehne ko main ek ek jalse mein parh parh ke sunaya jaata hoon

neki pe badi ka galba hai, sachchai se barhkar dhokha hai
ek baat hansaaya jaata hoon, sau baat rulaaya jaata hoon

ye meri aqeedat ke daawe, qanoon pe raazi ghairon ke
yun bhi mujhe ruswa karte hain, aise bhi sataaya jaata hoon

Urdu Poetry: Dard badhkar fugaa’n na ho jaaye By Jigar Moradabadi Sung By Chitra Singh

BaQir Bukhari — Tue, 01 Jun 2010 10:27:00 +0000

Dard badhkar fugaa’n na ho jaaye
ye zamee’n aasmaa’n na ho jaaye

dil mein dooba hua jo nashtar hai
mere dil ki zubaa’n na ho jaaye

dil ko le leejiye jo lena hai
phir ye sauda giraa’n na ho jaaye

aah keeje magar lateef-tareen
lab tak aakar dhuaa’n na ho jaaye.

Poet: Jigar Moradabadi

Urdu Ghazal: Jaagti raat k honton pe fasaane jese

BaQir Bukhari — Wed, 19 May 2010 07:54:34 +0000

Jaagti raat k honton pe fasaane jese,
Aik pal main simat aaye hon zamaane jese.

Aqal kehti hai bhula do jo nahin mil paaya!
Dil wo pagal k koi baat na maane jese.

Raaste main wohi manzar hain puraane ab tak,
Bas kami hai to nahin log puraane jese.!

Aaieena dekh k ehsaan yahi hota hai,
Le gaya Waqt ho umaron k khazaane jese.

Raat ki aankh se tapke huye aanssoo,
Makhmali khaas pe moti k hon daane jese.

Urdu Poetry: Har Gosha Gulistaan Tha Kal Raat Jahan Main Tha

BaQir Bukhari — Wed, 19 May 2010 07:26:29 +0000

Har Gosha Gulistaan Tha Kal Raat Jahan Main Tha.
Ek Jashn-E BahaaraN Tha Kal Raat Jahan Main Tha.

Naghame The Hawaon Mein Jadoo Tha Fazaon Mein.
Har Saans GazalfaaN Tha Kal Raat Jahan Main Tha.

Dareeya-E Mahobbat Mein Qashti Thi Jawaani Ki.
Jazbaat Ka Tufaan Tha Kal Raat Jahan Main Tha.

Maahtaab Tha Bahon Mein Jalwe The Nigaahon Mein.
Har Simt Charaaga Tha Kal Raat Jahan Main Tha

Urdu Poetry: Yaad kerna her ghari os yaar ka By Wali Dakni

BaQir Bukhari — Wed, 10 Mar 2010 08:03:04 +0000

Yaad kerna her ghari os yaar ka
Hai wazeefa mujh dil-e-bimar ka

Aarzo-e-chashma-e-koser nahi
Tishna lab hoon sharbat-e-deedar ka

Aaqbat kya howey ga? maloom nahi
Dil howa hai mubtala deedar ka

Kya kahey tareef dil hai be nazeer
Herf herf os makhzan-e-israr ka

Ger howa hai taalib-e-aazadgi
Banda mat ho sitjah-e-zanar ka

Meend-e-gul manzil-e-shabnam howi
Dekh rutba deeda-e-bedaar ka

Aey wali hona sari jin per nisaar
Mud’aa hai chashm-e-goher baar ka

Poet: Wali Dakni

Yaad Kerna Her Ghari Os Yaar Ka