Urdu Poetry: Udaas kaagazi mausam mein rang-o-bu rakh de

Udaas kaagazi mausam mein rang-o-bu rakh de
har ek phool ke lab pe mera lahu rakh de

zabaan-e-gul se chattaanein taraashne waale
sukoot-e-naqsh mein aaraaish-e-namu rakh de

giraa’n lage hai jo ehsaan dast-e-qaatil ka
uth aur teg ke lab pe rag-e-gulu rakh de

chala hai jaanib-e-maikhaana aaj phir vaaiz
kahee’n na jaam pe lab apne bevazu rakh de

KHUDA kare mera munsif saza sunaane mein
mera hii sar mere qaatil ke rubaru rakh de

samandaro’n ne bulaaya hai tujh ko ae ‘Bekal’
tu apni pyaas ki sehraa mein aabru rakh de.

Poet: Bekal

Sent By: Imran From Orkut

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *