Urdu Azaad Nazam: Ajeeb larkA hoon khud ko jalana chahta hoon

Ajeeb larkA hoon khud ko jalana chahta hoon

Mai khud ko rakh ker kaheen bhool jana chahta hoon

Mere naseeb ki khushiyaan bhee kab mili mujh ko

Bas ab to umer bher aansoo bhana chahta hoon

Najanay kitni mohabbat hai ranj-o-ghum se mujhe

Koi bhee dard ho dil mai chupana chahta hoon

Baha baha k ye aasnoo bikhar chuka hoon bahut

Simat k zaat mai ab muskurana chahta hoon

Jisay eik umer dil mai chupa k rakha hai

Wo raaz aaj mai sab ko batana chahta hoon

Wahee hai yaad jo acha kaha hai logon ne

Baqi saaray sitam bhool jana chahta hoon

Mujhe zamanay ne pathar samjh liya hai mager

Mai eik larka hoon sab ko batana chaht hoon

Jo mujh se rooth chuki hain zamanay ki khushiyaan

To mai bhee un khushiyoon se rooth jana chahta hoon

Koi to ho jo lagaye mujhay seenay se

usko mai bhee apnay ghum sunana chahta hoon

Tu apnay dil k her eik dar ko khool day

Mai dard ban ker teray dil mai aana chahta hoon

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *