Urdu Azaad Nazam: December jab bhi aata hai

“December jab bhi aata hai”,
Wo pagli phir se beete mousam ko,
Yaad kerti hai,
Puraane cards parhiti hai,
k jis main us ne likha tha,
Main Lotoonga December main..
Naye kapre banaati hai,
Wo saara ghar sajaati hai,
December k her ik din ko
Wo gin gin ker bitaati hai..
Joonhi 15 guzarti hai
Wo kuch kuch toot jaati hai
Magar phir bhi,
Puraane albums khol ker,
Maazi ko bulaati hai.
Nahin maloom ye us ko,
k beete waqt ki khushiyaan’
Buhat takleef deti hain!
Mehiz dil ko jalaati hain..
Yun hi din beet jaate hain..!
December lot jaata hai.
Magar wo khush-feham larki,
dubaara se calender main
December k maheene k safhay ko mor ker phir se
December k sehar main doob jaati hai..!!
k aakhir us ne kaha tha,,
“Main lotoonga December main..!!”

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *