Urdu Ghazal: Girafta-Dil Hain Bahot Aaj Tere Dewaane By Nasir KazmiUrdu Ghazal: Girafta-Dil Hain Bahot Aaj Tere Dewaane By Nasir Kazmi

Girafta-Dil Hain Bahot Aaj Tere Dewaane.
Khuda Kare Koi Tere Siwaa Na Pahechane.

Miti Miti See Umeedein, Thake Thake Se Khayaal.
Bujhe Bujhe Se Aankon Mein Gham Ke Afsaane.

Hazaar Shukr Ke Humne Zabaan Se Kuch Na Kaha.
Ye Aur Baat Ke Pucha Na Ahle Duniya Ne.

Ba-Qadr-E -TashnaLabi pursish -E Wafa Na Huyi.
Chhalak Ke Rah Gaye Teri Nazron Ke Paimane.

Kahaan Hai Tu Ke Tere Intezaar Mein Aye Dost.!
Tamaam Raat Sulagte Rahe Dil Ke Angaare.

Umeed E Pursish- E-Gham Kis Se Kijiye “Nasir”.
Jo Mere Dil Pe Guzarti Hai Koi Kya Jaane.!.!.!.!.!

Poet: Nasir Kazmi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *