Urdu Ghazal: Hum kahaa’n aur tum kahaa’n jaana By Jaun Eliya

Hum kahaa’n aur tum kahaa’n jaana
hain kaee hijr darmiyaa’n jaana

raigaa’n wasl mein bhi waqt hua
par hua khoob raigaa’n jaana

mere andar hi tu kahee’n gumm hai
kis’se poochu’n tera nishaa’n jaana

main hawaao’n se kaise pesh aau’n
yahi mausam hai kya wahaa’n jaana?

roshni bhar gayee nigaaho’n mein
ho gaye khwaab be-imaa’n jaana

ab bh jheelo’n mein aqs padhte hain
ab bhi neela hai aasma’n jaana

hai pur-khoo’n tumhara aqs-e-khayaal
zakhm aaye kahaan-kahaan jaana .

Poet: Jaun Eliya

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *