Urdu Ghazal: Iss bhare shehar mein meri tarha ruswa hota By Noon Meem Rashid

Iss bhare shehar mein meri tarha ruswa hota
tujh pe bhi hadsa-e-shauq jo guzra hota

tu ne har chand zubaa’n par to bithaae pehre
baat jab thi kehke meri soch ko badla hota

rakh liya gham bhi tera baar-e-amaanat ki tarha
kaun is shehar ke bazaar mein ruswa hota

jab bhi barsa he tere shehar ki jaanib barsa
koi baadal to sar-e-dasht bhi barsa hota

aaina-khaane mein ek umr rahe mahv-e-khayaal
apne andar se nikal kar kabhi dekha hota

meri kishti ko bhala mauj dubo sakti thi?
main agar khud na shareek-e-qaf-e-dariya hota

tujh pe khul jaati meri rooh ki tanhaai bhi
meri aankho’n mein kabhi jhaank ke dekha hota.

Poet: Noon Meem Rashid

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *