Urdu Ghazal: Kaun kehta hai mohabbat ki zubaan hoti hai By Sahir Hoshiarpuri

Kaun kehta hai mohabbat ki zubaan hoti hai
ye haqeeqat to nigaaho’n se bayaa’n hoti hai

wo na aaein to sataati hai khalish si dil ko
wo jo aaein to khalish aur jawaa’n hoti hai

rooh ko shaad kare dil ko bhi purnoor kare
har nazaare mein ye tanveer kahaa’n hoti hai

zabt, sailaab, mohabbat ko kahaan tak rokein
dil mein jo baat ho aankho’n se ayaa’n hoti hai

zindagi ek sulagti si chita hai “SAHIR”
shola banti hai na ye bujh ke dhuaa’n hoti hai.

Poet: Sahir Hoshiarpuri

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *