Urdu Ghazal: Khushbu hai wo to chhoo ke badan ko guzar na jaaye By Parveen Shakir

Khushbu hai wo to chhoo ke badan ko guzar na jaaye
jab tak mere wajood ke andar utar na jaaye

khud phool ne bhi honth kiye apne neem-vaa
chori tamaam rang ki titli ke sar na jaaye

iss khauf se wo saath nibhaane ke haq mein hai
khokar mujhe ye ladki kahee’n dukh se mar na jaaye

palko’n ko uss ki apne dupatte se ponch doon
kal ke safar mein aaj ki gard-e-safar na jaaye

main kiske haath bheju’n usse aaj ki dua
qaasid hawa sitaara koi uss ke ghar na jaaye.

Poet: Parveen Shakir

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *