Urdu Ghazal: Meri aankho’n ke samandar mein jalan kaisi hai By Wasi Shah

Meri aankho’n ke samandar mein jalan kaisi hai
aaj phir dil ko tadapne ki lagan kaisi hai

ab kisi chhat pe chiraagho’n ki qataarein bhi nahi
ab tere shehar ki galiyo’n mein ghutan kaisi hai

barf ke roop mein dhal jaaenge saare rishte
mujhse poocho ke mohabbat ki agan kaisi hai

main tere wasl ki khwaahish ko marne dunga
mausam-e-hijr ke lehje mein thakan kaisi hai

regzaro’n mein jo banti rahi kaanto’n ki rida
uski majboor si aankho’n mein kiran kaisi hai

mujhe masoom si ladki pe taras aataa hai
isse dekho to mohabbat mein magan kaisi hai.

Poet: Wasi Shah

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *