Urdu Nazam: Aaj halki-halki si barish hai
Aaj halki-halki si barish hai
aaj sard hawa ka raqs bhi hai
aaj phool bhi nikhre-nikhre hain
aaj unn mein tumhaara aqs bhi hai
aaj baadal kaale gehre hain
aaj chand pe laakho’n pehre hain
kuch tukde tumhari yaado’n ke
badi derr se dil mein thehre hain
aaj yaadein uljhi-uljhi hain
aaj taar ye sab suljhe hain
aaj yaad bahot tum aaye ho
aaj yaad bahot tum aaye ho..!
