Urdu Nazam: Raat behad chup hai By Munir Niazi

Raat behad chup hai
aur us ka andhera surmagee’n
shaam padte hi damakte thhey jo rango’n ke nagee’n
door tak bhi ab kahee’n
uss ka nishaa’n milta nahi’n

ab to badhta aayega
ghanghor baadal chaah ka
uss mein behti aayegi
ek madbhari meethi sada
dil ke soone shehar mein goonjega nagma chaah ka

raat ke parde mein chhup kar khoon rulaati chaahato’n
iss qadar kyon door ho
mujh se zara ye to kaho
mere paas aakar kabhi meri kahaani bhi suno
siskiyaa’n leti havaayein keh rahi hain – ‘chup raho’.

Poet: Munir Niazi

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *