Urdu Nazam: Shikan chup hai badan khamosh hai By Parveen Shakir

Shikan chup hai

badan khamosh hai

gaalo’n pe waisi tamtamaahat bhi nahi’n, lekin

main ghar se kaise niklu’ngi

hawa, chanchal saheli ki tarah baahar khadi hai

dekhte hi muskuraaegi

mujhe choo kar teri har baat paa legi

mujhe tujhse chura legi

zamaane bhar se keh degi

main tujhse mil ke aayee hoo’n

hawa ki shokhiyaa’n ye

aur mera bachpanaa aisa

ke apne aap se bhi main

teri khushbu chhupaati phir rahi hoon.

Poet: Parveen Shakir

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *