Urdu Nazam: Wo mere aagay tha, Main us k peeche chal raha tha By Balraj Komal

Wo mere aagay tha,
Main us k peeche chal raha tha
Aur dono anjabi,,
Mera apna shehar tha
Ghaal’ban uska bhi tha,
Dekhta tha mujh ko murr murr ker wo,
Shayad us ko khadsha tha
Koi dushman hoon main,
Us ka peecha ker raha hoon,
Aur us ko qatal ker daalonga,
Dono apni apni manzil k aseer,
Wo kisi taareek andhe gaar ki jaanib rawaa’n,
Main kisi barson puraani yaad main khoya huaa,,.

Haadsa aisa hua
Mene dekha, mujh pe wo apni nazar rakhta huaa,
Teerhi ulti chaal se chalne laga,
Rah’guzar masroof thee,
Daf’attan wo ghoomte paheeyon ki zid main aa gaya,
kuchlaa gaya,,

Main sarak per chal raha hoon,
Aik patta, aik purza, aik khuwaab,
Hai abhi baaqi safar shayad mera,
Mere peeche ajnabi see chaap hai
Rafta rafta meri jaanib jaane kyun,?
Barhiti chalee aati hai aaj,
Peeche murr ker dekhta hoon baar baar…

Poet: Balraj Komal

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *