Urdu Poem: Sirf tumko dhoonda hai By Wasi Shah

Sirf tumko dhoonda hai

udaasiyo’n ke mele mein
khwaabo’n ke rele mein
khwaahisho’n ke jhamele mein
duao’n ke waseele mein

sirf tumko dhoonda hai

khwaahisho’n ke jazeero’n mein
phisalte aabsharo’n mein
dil ki deewaro’n mein
zindagi ke andhero’n mein

sirf tumko dhoonda hai

sakhiyo’n ki unn baato’n mein
inn sulagti sanso’n mein
tanha akeli raato’n mein
inn ashko’n ki barsaato’n mein

sirf tumko dhoonda hai

wafaao’n ke aashiyaane mein
khushiyo’n ke taraane mein
har badalte zamaane mein
aur khud ko aazmaane mein

sirf tumko dhoonda hai…

Poet: Wasi Shah

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *