Urdu Poetry: Ae gham-e dil kya karoon, ae wehshat-e Dil kya karoon

Ae gham-e dil kya karoon, ae wehshat-e Dil kya karoon?!

Shehar ki raat aur main naashad-o-naakara phiroo’n
jagmagaati jaagti sadko’n pe aawara phiroo’n
gair ki basti hai kab tak dar-badar maara phiroo’n

ae gham-e-dil kya karu’n ae vehshat-e-dil kya karu’n

jhil-milaate qumqumo’n ki raah mein zanjeer si
raat ke haatho’n mein din ki mohni tasveer si
mere seene par magar chalti huee shamsheer si

ae gham-e-dil kya karu’n ae vehshat-e-dil kya karu’n

ye rupehli chhaao’n ye aakash par taaro’n ka jaal
jaise suufi ka tasavvur jaise aashiq ka khayaal
aah lekin kaun jaane kaun samjhe jee ka haal

ae gham-e-dil kya karu’n ae vehshat-e-dil kya karu’n
raat hans hans kar ye kehti hai ke maikhaane mein chal
phir kisi shahnaaz-e-laalarukh ke kaashane mein chal
ye nahi’n mumkin to phir ae dost veeraane mein chal

ae gham-e-dil kya karu’n ae vehshat-e-dil kya karu’n

har taraf bikhri huee rangeeniyaa’n raanaiyaa’n
har qadam par ishratein leti huee angdaiyaa’n
badh rahi hai godd phailaaye hue rusavaaiyaa’n

ae gham-e-dil kya karu’n ae vehshat-e-dil kya karu’n

raaste mein ruk ke dum le loon meri aadat nahi’n
laut kar waapas chala jaau’n meri fitrat nahi’n
aur koi humnava mil jaaye ye qismat nahi’n

ae gham-e-dil kya karu’n ae vehshat-e-dil kya karu’n

muntazir hai ek toofaan-e-bala mere liye
ab bhi jaane kitne darwaaze hain va mere liye
par museebat hai mera ahad-e-wafa mere liye

ae gham-e-dil kya karu’n ae vehshat-e-dil kya karu’n

Sent By: Junaid Shabir

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

One comment

Leave a Reply

Your email address will not be published. Required fields are marked *