Urdu Poetry: Aks-e khushboo hon bikharne se na roke koi

Aks-e khushboo hon bikharne se na roke koi,
Aur bikhar jaaon to mujh ko na samete koi.

Kaanp uthti hon main ye soch k tanhaayi main,
Mere chehre pe tera naam na parh le koi.

Jis tarah khuwaab mere ho gaye reza reza,
Us tarah se na kabhi toot k bikhre koi.!

Main to us din se hiraasaa’n hon k jab hukum mile,
Khushk phoolon ko kitaabon main na rakhe koi.

Ab to is raah se wo shakhs guzarta bhi nahin,
Ab kis umeed pe darwaaze se jhaanke koi?

Koi aahat, koi aawaz, koi chaap nahin,
Dil ki galiyaan barree sunsaan hain, aaye koi..

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *