Urdu Poetry: Apni muhabbat k afsaane kab tak raaz banaaoge
Apni muhabbat k afsaane kab tak raaz banaaoge!
Ruswaayi se darne waalo baat tumhi phelaaoge.
Us ka kya hai tum na sahee to aur buhat,
Tark-e Muhabbat kerne waalon tum tanha reh jaaoge.
Hijr k maaron ki khush-fehmi, jaag rahe hain pehron se,
Jese shab yun kat jaayegi, jab Tum aajaaoge.
Chhoro ahd-e wafa ki baatain, kyun jhoote iqraar karain?
Kal main bhi sharminda hoonga, Kal tum bhi pashtaaoge.
Rehne do ye pind-o naseehat hum bhi Faraz’ se waqif hain,
Jis ne khud so zakham sahe hoon us ko kya samjhaaoge.
Poet: Ahmad Faraz
Sent By: Junaid Shabir from Orkut Community
