Urdu Poetry: Asar usko zara nahi’n hota
Asar usko zara nahi’n hota
ranj raahat faza nahi’n hota
tum hamaare kisi tarah na hue
varna duniya mei kya nahi’n hota
naarsaai se dam ruke to ruke
main kisi se kafa nahi’n hota
tum mere paas hote ho goya
jab koi doosra nahi’n hota
haal-e-dil yaar ko likhoo’n kyun kar
haath dil se judaa nahi’n hota
kyun sunein arz-e-mujtarib ‘Momin’
sanam aakhir KHUDA nahi’n hota.
[MOMIN KHAN 'MOMIN']
Sent By: Ah@d-e-Aawargi from Orkut Community
