Urdu Poetry: Bara ehsaan hum farma rahe hain

Bara ehsaan hum farma rahe hain,
K un k khat unhain lota rahe hain.

Nahin tark-e muhabbat per wo raazi,
Qayamat hai k hum samjha rahe hain.

Yaqeen’ ka raasta tay kerne waale,
Buhat tezi se waapas ja rahe hain.

Ye mat bhoolo k ye lamhaat hum ko,
Bichharne k liye milva rahe hain.

T’ajjub hai k ishq-o aashqi se,
Abhi kuch log dhoka kha rahe hain.

Tumhain chaahenge jab chin jaaogi tum,
Abhi hum tum ko arzaan’ pe rahe hain.

Kisi soorat unhain nafrat ho hum se,
Hum apne aib khud ginva rahe hain.

Wo paagal mast hai apni wafa main,
Meri aankhon main aansoo aa rahe hain.

Ajab kuch rabt hai tum se k tum ko,
Hum apna jaan kar thukra rahe hain.

Wafa ki yaad-gaarain tak na hongi,
Meri jaan’ bas koi din ja rahe hain.

Sent By: Junaid Shabir

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *