Urdu Poetry: Bol ki lab aazaad hain tere By Faiz Ahmed Faiz

Bol ki lab aazaad hain tere
bol zabaa’n ab tak teri hai

tera sutwaa’n jism hai tera
bol ki jaan ab tak teri hai

dekh ke aahangar ki dukaan mein
tund hain shole surkh hai aahan

khulne lage quffalo’n ke dahaane
phaila har ek zanjeer ka daaman

bol ye thoda waqt bahot hai
jism-o-zabaa’n ki maut se pehle

bol ki sach zinda hai ab tak
bol jo kuch kehne hai keh le.

Poet: Faiz Ahmed Faiz

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *