Urdu Poetry: Darr-e qafas say paray jab hawa guzarti hai

Darr-e qafas say paray jab hawa guzarti hai
Kisay khabar k aseeron pe kya guzarti hai

Taluqaat kabhi is qadar na toote thay
K teri yaad bhi dil se khafa guzarti hai

Wo ab mile bhi to milta hai is tarah jese
Bujhe charaag ko chhoo ker hawa guzarti hai

Faqeer kab k gaye jungalon ki simat magar
Galli se aaj bhi un ki sada guzarti hai

Ye ahl-e hijir ki basti hai ehtiyaat se chal
Museebaton ki yahan intaha guzarti hai

Sent By: Junaid Shabir

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *