Dil Mein Jo Kuch Hai Abhi Uski Pazeerayi Nahin.
Khushboo-E-Kali Hoon Par Khilne Ki Ghadi Aayi Nahin.
[Pazeerayi = Acceptance]
An-kahee Baat Ke Sau Roop, Kahee Baat Ka Ek.
Kabhi sun Wo Bhi Jo Minnat-e-Kahs-e-Goyaayi Nahin.
[Goyaayi = Power of Speech]
Meri Nazron Mein Hai Khilte Huye Phoolon Ki Tarah.
Wo Namee Jo, Abhi Shaakhon Mein Bhi Lahraayi Nahin.
Kya Manaazir the Jo Dekhti Aankhon Ko Dekhe.
Khwaab bunta Hoon Ki Aasooda-E-Beenaayi Nahin.
[Aasooda-E-Beenaayi = satisfaction of sight/vision]
Sabhi Dana Sabhi Sar Daal Ke Chup BhaiThe Rahe.
Ke Yahaan Koi Bhi Shaista-E-Ruswaayi Nahi.
Dil Bujha Ho To Gul-e- Naghma Bhi Nashtar hai ‘Zia’.
Shiddat-e-Gham ka Ilaaj Anjuman-E-Aarayi Nahin