Urdu Poetry: Gaahe gaahe bas ab yahi ho kya?

Gaahe gaahe bas ab yahi ho kya?
Tumse mil kar bohat khushi ho kya?

Mil rahi ho bare tapaak ke saath,
Mujhko yaksar bhula chuki ho kya?

Yaad hain ab bhi apne khuwab tumhein?
Mujhse mil kar udaas bhi ho kya?

Bas mujhe yun hi ik khayal aaya,
Sochti ho to sochti ho kya?

Ab meri koi zindagi hi nahin,
Ab bhi tum meri zindagi ho kya?

Kya kaha ishq jaawidaani hai?!
Aakhri baar mil rahi ho kya?

haan, faza yaan’ ki soyi soyi si hai
To bohat taiz roshni ho kya?

Mere sab tanz be-asar hi rahe,
Tum bohat door ja chuki ho kya?

Dil mein ab soz-e-intezar nahin,
Shamm-e ummeed bujh gayi ho kya?

Is samandar pe tashna kaam hon main,
Baan tum ab bhi beh rahi ho kya

Sent By: Junaid Shabir From Orkut

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *