Urdu Poetry: Gulaab haath mein ho, aankh mein sitaara ho By Parveen Shakir

Gulaab haath mein ho, aankh mein sitaara ho
koi wajood mohabbat ka isteaara ho

main gehre paani ki iss rau ke saath behti rahoo’n
jazeera ho ke muqaabil koi kinara ho

kabhi-kabhaar usse dekh lein, kahee’n mil lein
ye kab kaha tha ke wo khushbadan hamaara ho

qusoor ho to hamaare hisaab mein likh jaaye
mohabbato’n mein jo ehsaan ho, tumhaara ho

ye itni raat gaye kaun dastakein dega
kahee’n hawa ka hi uss ne na roop dhara ho

ufaq to kiya hai dar-e-kehkashaan bhi choo aayein
musafiro’n ko agar chaand ka ishaara ho

main apne hisse ke sukh jiske naam kar daaloo’n
koi to ho to mujhe iss tarah ka pyara ho

agar wajood mein aahang hai to wasl bhi hai
main chaahe nazm ka tukda, wo nasar-para ho.

Poet: Parveen Shakir

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *