Urdu Poetry: Hum hijr k raste pe safar kar nahi sakte

Hum hijr k raste pe safar kar nahi sakte
Ik lamha tere bin bhi basar kar nahi sakte

Woh aakhri lamhon main mujhy maang raha hai
Yeh waqt hai aisa k guzar kar nahi sakteKhud hath se apne usay khona hi parhe ga
Yeh zabt bhi karna hai magar kar nahi sakte

Yun apni nigahon ko chura lete hain tujh say
Is dil k iradon ki khabar kar nahi sakte

Tum khwaab jalaate rahe hum aaj bhi chup hain
Ab dil k yun jalney pe sabar kar nahi sakte

Yeh aankh andheron main huyee pyaas ka sehra
Is noor k darya pe nazar kar nahi sakte

Main kese uthaaon ga nazar se teri khudd ko
Ashqon k do dhaare bhi asar kar nahi sakte

Sent By: Junaid Shabir from Orkut Community Meer Taqi Meer

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *