Urdu Poetry: Hum paravarish-e-lauh-o-qalam karte rahenge By Faiz Ahmed Faiz

Hum paravarish-e-lauh-o-qalam karte rahenge
jo dil pe guzarti hai raqam karte rahenge

asbaab-e-gham-e-ishq baaham karte rahenge
veerani-e-dauraa’n pe karam karte rahenge

haan talkhi-e-ayyaam abhi aur badhegi
haan ahl-e-sitam mashq-e-sitam karte rahenge

manzoor ye talkhi ye sitam hum ko gavaara
dam hai to madaava-e-alam karte rahenge

maikhaana salaamat hai to hum surkhi-e-may se
tazzeen-e-darr-o-baam-e-haram karte rahenge

baaqi hai lahu dil mein to har ashq se paida
rang-e-lab-o-rukhsaar-e-sanam karte rahenge

ek tarz-e-tagaaful hai so wo unn ko mubaarak
ek arz-e-tamanna hai so hum karte rahenge.

Poet: Faiz Ahmed Faiz

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *