Urdu Poetry: Hum se bhaaga na karo door ghazaalo’n ki tarah

Hum se bhaaga na karo door ghazaalo’n ki tarah
hamne chaaha hai tumhein chaahne waalo’n ki tarah

khud-ba-khud neendn si aankho’n mein ghuli jaati hai
mehki-mehki hai shab-e-gham tere baalo’n ki tarah
aur kya iss se zyaada koi narmi bartoo’n
dil ke zakhmo’n ko chhuaa hai tere gaalo’n ki tarah

aur to mujh ko mila kya meri mehnat ka sila
chand sikke hain mere haath mein chhaalo’n ki tarah

zindagi jisko tera pyaar mila wo jaane
hum to naakaam rahe chaahne waalo’n ki tarah.

[JAAN NISAR AKHTAR]

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

One comment

  1. outstanding poetry

Leave a Reply

Your email address will not be published. Required fields are marked *