Urdu Poetry: Hum un se agar mil baith’te hain kyaa qusoor humara hota hai

hum un se agar mil baith’te hain kyaa qusoor humara hota hai
kuchh apani sharaarat hotii hai kuchh un ka ishara hota hai

katne lagin raatein aankhon mein dekha nahin palakon pe aksar
kabhi shaam-e-GareebaN ka jugnoo kabhi subah ka tara hota hai

hum dil ko liye har des phire is jins kaa gahak mil na sakaa
aye banjaro hum log chale hum ko to Khasara hota hai

hum apani zabaaN se kuchh bhi kahein shaayar hai Khayalon se khelein
aa jaao to baham mil baithe kabhi hijr bhi pyara hota hai

daftar se uthe kaife mein gaye kuch sher kahe kuchh kafi pi
poochha jo mu’ash ka “Inshaaji” yuN apna guzara hota hai

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *