Urdu Poetry: Ishq ne dil mein jagah ki to qaza bhi aaee By Faani Badayuni

Ishq ne dil mein jagah ki to qaza bhi aaee
dard duniya mein jab aaya to dawa bhi aaee

dil ki hasti se kiya ishq ne aagaah mujhe
dil jab aaya to dhadakne ki sada bhi aaee

sadqe utarenge, aseeraan-e-qafas chhoote hain
bijaliyaa’n leke nasheman pe ghata bhi aaee

haan! na tha baab-e-asr band, magar kya kahiye
aah pahonchi thi ki dushman ki dua bhi aaee

aap socha hi kiye, uss se milu’n ya na milu’n
maut mushtaaq ko mitti mein mila bhi aaee

lo masihaa ne bhi, ALLAH ne bhi yaad kiya
aaj beemar ko hichki bhi, qaza bhi aaee

dekh ye jaada-e-hasti hai, sambhal kar “Fani”
peeche-peeche wo dabe paao’n qaza bhi aaee.

Poet: FANI BADAYUNI

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *