Urdu Poetry: Iss daur-e-bejunoo’n ki kahaani koi likho By Ahmed Faraz

Iss daur-e-bejunoo’n ki kahaani koi likho
jismo’n ko barf khoon ko paani koi likho

koi kaho ki haath qalam kis tarah hue
kyun ruk gaee qalam ki ravaani koi likho

kyon ahl-e-shauq sar-va-garebaa’n hain dosto’n
kyon khoo’n-ba-dil hai ahd-e-jawaani koi likho

kyon surma daar gulu hai har ek taayar-e-sukhan
kyon gulsitaa’n qafas ka hai saani koi likho

haan taaza saaneho’n ka kare kaun intezaar
haan dil ki vaardaat puraani koi likho.

Poet: Ahmed Faraz

Check Also

Urdu Ghazal: Arzo sama kahan teri wos’at ko pa sake By Khawaja Meer Dard

Arzo sama kahan teri wos’at ko pa sake Mera hi dil hai wo ke jahan ...

Leave a Reply

Your email address will not be published. Required fields are marked *